Imunitetet Thaci Nuk do ti drejtohemi Kushtetueses

Kryeministri Hashim Thaçi deklaron se qeveria është ekzekutivi dhe pushtetet janë të ndara dhe në asnjë rrethanë nuk duhet të ketë interferime me autoritetet kushtetuese dhe ligjore.

Thaçi, sipas RTK-se, tha se Qeveria e tij nuk do t’i drejtohet Gjykatës Kushtetuese për të interpretuar çështjen e imunitetit të deputetëve.

“Unë nuk jam ai që do ta interpretoj Kushtetutën e Republikës së Kosovës, pushtetet janë të ndara. Qeveria e Republikës së Kosovës do t’i kryejë obligimet e veta plotësisht në përputhje me Kushtetutën e Republikës, por edhe me ligjet”, ka thënë Thaçi.