Indianapolis shembet skena para koncertit
Katër vetë humbën jetën dhe të paktën 40 të tjerë u plagosën kur moti me erë e tufan rrëzoi skenën në Indiana, pak minuta para se në të të ngjiteshin anëtarët e grupit kantri, Sugarland.
Departamenti i Indianapolis për Siguri Publike në një mesazh në Twitter foli për: "4 viktima dhe 40 të tjerë të transportuar me urgjencë në spital, një numur i konsiderueshëm i tyre në gjendje kritike."
Rreth 12 mijë njerëz ishin mbledhur për të ndjekur koncertin, pavarësisht erës deri në 96 km në orë.
Një video amatore e marrë me një telefon celular tregon turmën që bërtiste ndërsa era hidhte poshtë strukturën metalike të skenës. Policia kishte ndërhyrë më herët për të evakuar zonën po megjithatë nuk u arrit të shmangej aksidenti fatal.
Spektatorë u përpoqën për të mbajtur një pjesë të skenës që shembej me shpatullat e tyre, për të penguar që të zinte nën vete të tjerë persona.
Sugarland gjithashtu reagoi në Twitter në lidhje me incidentin: "Së bashku me njerëzit e Indianapolis lutemi për shëndetin e fansave tanë të plagosur" thuhej në të.
Delina Bitraku
Rreth 12 mijë njerëz ishin mbledhur për të ndjekur koncertin, pavarësisht erës deri në 96 km në orë.
Një video amatore e marrë me një telefon celular tregon turmën që bërtiste ndërsa era hidhte poshtë strukturën metalike të skenës. Policia kishte ndërhyrë më herët për të evakuar zonën po megjithatë nuk u arrit të shmangej aksidenti fatal.
Spektatorë u përpoqën për të mbajtur një pjesë të skenës që shembej me shpatullat e tyre, për të penguar që të zinte nën vete të tjerë persona.
Sugarland gjithashtu reagoi në Twitter në lidhje me incidentin: "Së bashku me njerëzit e Indianapolis lutemi për shëndetin e fansave tanë të plagosur" thuhej në të.
Delina Bitraku