Infeksionistet, mjeket kerkojne rritje page
Sonila Isaku
Mjeket infeksioniste dhe infermieret e ketij pavijoni ne QSUT kane kerkuar rritjen e pages per shkak te veshtiresive qe kane ne pune. Sipas tyre, duke qene te rrezikuar nga infeksionet e ndryshme, te cilet mund te percillen gjate punes, duhet te kete edhe nje motivim ne page. Nje kerkese ka shkuar per te dytin vit radhazi ne dyert e Ministrise se Shendetesise, ku eshte kerkuar rritja e pages ne masen 20 per qind, dhe kjo rritje te perfshije veshtiresine ne pune qe ka ky personel. "Ne, si shoqate, kemi derguar vitin e kaluar nje shkrese zyrtare ne Ministrine e Shendetesise per rritjen e pages. Por, kjo kerkese e jona nuk u mor parasysh, per vete faktin se ishte vone si kohe dhe buxheti ishte parashikuar se ku do te shperndahej. Kete vit kemi derguar nje shkrese te dyte ne kohe dhe ne afate te caktuara", deklaroi dje mjeku infeksionit, Arjan Harxhi. Sipas tij, pritet nje tjeter pergjigje zyrtare nga institucioni me i larte shendetesor, pasi afatet e dergimit te kerkeses jane perpara shperndarjes se buxhetit. Aktualisht nje mjek ne QSUT paguhet me 40 mije leke ne muaj, ndersa nje infermier me 28 mije leke.
Argumentet
Mjeket e argumentojne kerkesen e tyre per shtesen e pages me rrezikun qe perballen cdo dite gjate punes se tyre. "Ky grup personeli mjekesor eshte me i rriskuari nga infeksionet e renda, te cilet mund t'iu lene pasoja gjate gjithe jetes. E ndersa mjekeve mikrobiologe u eshte rritur paga me 30 per qind, infeksionisteve nuk u eshte bere kjo rritje, megjithese jane shume te rrezikuar", eshte shprehur shefja e semundjeve infektive ne ISHP, Silva Bino. Sipas saj, kjo rritje e pages nuk duhet te perfshihet ne ate rritjen qe u behet te gjithe mjekeve ne periudhen e korrikut, apo te janarit. "Kjo rritje e pages duhet te jete per shkak te veshtiresise se madhe, ashtu sikurse shperblehen mjeket kur shkojne ne vende te largeta per veshtiresi ne pune, ashtu duhet te shperblehet edhe ky grup personeli", ka theksuar Bino. Ndersa kryetari i shoqates se mjekeve infeksioniste, Arjan Harxhi, ka theksuar se nuk eshte vetem personeli mjekesor, por edhe infermieret dhe te gjithe punonjesit e spitalit infektiv, te cilet duhet te perfshihen ne rritjen e pages. Sipas tij, jane mbi 100 punonjes shendetesore qe duhet te perfitojne pagese per veshtiresine ne pune.
"Jemi duke rishikuar kerkesen"
Ministria e Shendetesise ka filluar shqyrtimin e kerkeses se mjekeve infeksioniste per rritjen e pages. Sipas burimeve zyrtare nga ky institucion, pas shperndarjes se buxhetit ne te gjitha hallkat e percaktuara, ekspertet e sektorit ekonomik do te rishikojne edhe mundesia e rritjes se pages per mjeket infeksioniste. Megjithate behet e ditur se vendimi do te jete ne varesi te buxhetit. "Shkresa e mberritur ne zyrat tona kerkon rritjen e pages te mbi 100 mjekeve infeksioniste. Rritja e pages se tyre kerkohet per shkak te veshtiresise qe ata kane ne kushtet ku punojne, por kjo do te rishikohet. Ndersa aktualisht eshte firmosur shkresa per rritjen e pages 20 per qind te mjekeve infeksioniste te Institutit te Shendetit Publik", pohojne burime zyrtare nga Ministria e Shendetesise. Pervec mjekeve te ISHP-se tani jane edhe mjeket e Spitalit Infektiv, te cilet kerkoje nje rritje te pages dhe trajtim te njejte financiar per shkak te veshtiresise me koleget e tyre. Po sipas burimeve nga Ministria e Shendetesise, do te jete nje tjeter shkrese zyrtare qe do te shkoje ne duart e mjekeve infeksioniste per te marre pergjigje, nese pagat e tyre mujore do te rriten ose jo, pas shperndarjes se buxhetit te ketij viti.
Kerkesa e dyte
Per te dytin vit radhazi infermiere dhe mjeke te spitalit infektiv ne Qendren Spitalore Universitare "Nene Tereza" kane kerkuar rritje te pages. Pervec rritjes se pages qe perfitojne te gjithe mjeket dhe personeli shendetesor kerkesat e infeksionisteve kane te bejne me veshtiresine dhe rrezikun qe u kanoset nga infeksionet. Sipas tyre, jo se rritja e pages do te parandaloje marrjen e infeksioneve, por jane me te motivuar per te punuar ne nje pune te tille. Kerkesa e derguar nje vit me pare ne Ministrine e Shendetesise eshte hedhur poshte per vete faktin se buxheti i vitit 2007 ishte shperndare. Nderkohe kerkesa e ketij viti e shkuar ne kohe, u jep me shume shanse infeksionisteve dhe infermiereve te ketij pavijoni per ta perfituar pagesen e veshtiresise.