Infektivi dhe Pediatria, trajtohen 110 te semure
Mjekimi me medikamente antiretrovirale sigurohet falas per te gjithe personat qe kane nevoje. Sipas Institutit te Shendetit Publik, aktualisht jane 110 persona qe e marrin kete terapi ne Qendren Spitalore Universitare "Nene Tereza", prane Departamentit te Semundjeve Infektive dhe Sherbimit Pediatrik. Ne vitin 2004 u be i mundur sigurimi i medikamenteve antiretrovirale per personat qe jetojne me HIV/AIDS. Pas studimit te pare te kryer ne vitin 2005, kete vit u realizua Studimi i dyte i survejances biologjike dhe te sjelljeve te grupet vulnerabel. Si i tille, eshte vendosur nje bashkepunim i ngushte me komunitetin Rom qe ka per qellim permiresimin dhe shtrirjen e aktiviteteve te informimit, edukimit, komunikimit, jo vetem ne Tirane por dhe ne disa rrethe te tjera. Gjithashtu, jane zgjeruar programet e reduktimit te demit per perdoruesit e drogave me injektim, ku tashme kater NGO ofrojne sherbime te tilla ne Tirane, nderkohe qe po punohet dhe per shtrirjen e tyre ne rrethe te tjera. Kete vit u be e mundur dhe hapja e nje qendre te re, per terapine zevendesuese me Metadon ne qytetin e Durresit. Gjithashtu jane zgjeruar programet qe synojne parandalimin e HIV/AIDS te "punonjeset e seksit".