Studentet, numer i madh kerkesash per transferim nga privati ne shtet

Nje fluks i madh studentesh qe deri tani kane studiuar ne universitetet jopublike te vendit, kane kerkuar qe te kthehen ne universitetet shteterore. Sipas burimeve nga Universiteti i Tiranes, jane jo pak, por rreth 200 studente, te cilet duan te "braktisin" studimet ne privat, per te studiuar si pjesa derrmuese e bashkemoshatareve te tyre, ne universitetet publike. Kerkesat kane marre tashme trajte zyrtare, megjithate gjithcka varet nga kapacitetet e universiteteve shteterore. Drejtues te universiteteve ne Tirane, nuk jane ne gjendje qe te shpjegojne shkaqet e deshires se studenteve te universiteteve jopublike per te kaluar ne universitetet publike. Ose me sakte, ata nuk dine nga t'ia nisin per te argumentuar nje qendrim te tille. Sipas specialisteve, me siguri qe nuk eshte vetem ana financiare. Ne fakt, dy vitet e fundit, cilesia e studenteve qe kane nxjerre universitetet private eshte vene ne dyshim. Kjo, jo ne menyre absolute, por te pakten per pjesen derrmuese te te diplomuarve. Keshtu, ne komisionet kuvendore per Edukimin eshte folur se notat vihen te pa merituara dhe "blihen" me tarifen vjetore qe nje student paguan per t'u arsimuar ne institucionet e arsimit te larte jopublik. Nga ana tjeter, nje arsye padyshim qe eshte edhe tarifa e majme, qe u paguhet ketyre universiteteve, por kjo nuk mund te renditet e para per nga rendesia. Cilido qe te jete shkaku, fakti eshte se universitetet private, jane nje alternative kur nje maturant nuk fiton te drejten e studimeve ne universitetet publike te vendit.

Kriteri

Nese nje student qe ka mbaruar vitin e pare te Ekonomikut ne privat, eshte futur me nje mesatare 6 dhe ai ne universitetin publik eshte futur ne vit te pare me mesatare mbi 8.5, ai nuk ka shanse per t'iu miratuar kerkesa. Pra, nota eshte kriter i rendesishem.