Iniesta ndihmon klubin e fëmijërisë

Ylli i Barcelonës, Andres Iniesta ka vendosur të ndihmojë financiarisht klubin e tij të fëmijërisë Albacete që gjendet në krizë të thellë.

Iniesta është bërë njëri prej donatorëve në klubin që aktualisht garon në ligën e tretë spanjolle. Lajmin e ka bërë të ditur nënkryetari i Albacetes, Aurelio Milla duke shtuar se fusha stërvitore e skuadrës do të mbajë emrin e Iniestas.

Nuk është bërë e ditur shuma e dhuruar por mediet spanjolle kanë raportuar se bëhet fjalë për 1.2 milionë euro. Iniesta si fëmijë stërviti në Albacete para transferimit në Barcelonë si 12 vjeç.