Inkriminimi i gjermaneve, proces i veshtire

A jane vertete tre shtetasit gjermane autoret e shperthimit ne zyren e ICO-se ne Prishtine? Burime policore dhe qeveritare bejne te ditur per Top Channel se tre gjermanet e arrestuar ne vendin e ngjarjes mund te mos kene lidhje me sulmin per te cilin akuzohen.

Shtetasi gjerman Andreas Jakel eshte i dyshuari kryesor mbi kete ngjarje. Dyshohet se Jakel, i cili gjithashtu eshte agjent i sherbimit sekret BND, e kishte hedhur bomben nga ndertesa perballe objektit te Zyres Nderkombetare Civile.

Por, sipas burimeve tona, xhirimet nga kamerat e instaluara ne ndertesen e ICO-se nuk kane arritur ta identifikojne personin, pavaresisht se shtetasi gjerman eshte arrestuar pikerisht ne ndertesen nga eshte hedhur eksplozivi.

Burimet po keshtu konfirmuan se shtetasi gjerman eshte arrestuar pese ore pas shperthimit te bombes. Per prokurorin e ceshtjes, provat e gjetura i inkriminojne tre gjermanet, megjithese ai nuk pohon se ekziston ndonje prove qe identifikon autorin e aktit permes xhirimeve.

“Fakte te sigurta qe e ka bere nje shtetas, apo dy ose tre vete nuk kemi. Nga cdo gje qe eshte gjetur ne vendngjarje ne mund vetem te supozojme se ata mund te jene te implikuar”, deklaron prokurori Feti Tunuzliu.

Sidoqofte, organet e hetuesise po vazhdojne hetimet, ndersa kane derguar per ekzaminime ekspertizat e provave materiale te siguruara ne vendin e ngjarjes dhe me rastin e bastisjes se shtepive te banimit te gjermaneve.

Vete prokurori i ceshtjes nuk e perjashton mundesine e nderprerjes se hetimeve lidhur me kete rast, por as nuk e perjashton ngritjen e aktakuzes. “A do te dale ne fund qe keta e kane bere ose jo kete shperthim, kjo varet nga rezultatet e hetimit. Nese provat e mbledhura cojne ne kete drejtim ata do te denohen, ne rast te kundert jo”, shton Tunuzliu.