Korrupsioni, BE ndeshkon Bullgarine

Komisioni Evropian ka vendosur t’i shkurtoje Bullgarise 220 milione euro nga fondet e BE-se per shkak te mossuksesit te saj ne luften kunder korrupsionit dhe krimit te organizuar.

Kjo eshte hera e pare qe ekzekutivi i bllokut del me vendim kaq drastik per nje vend anetar. Ne muajin korrik, Komisioni ngriu fondet me vlere mbi gjysme miliarde dollare qe do te shkonin ne ndihme te infrastruktures rrugore dhe fermave te Bullgarise, nga frika se mos keto para shkonin ne duart e gabuara.

Ne mesin e krizes ekonomike globale, ky vendim i paprecedent synon te tregoje se Komisioni Evropian nuk eshte duke shperdoruar parate e taksapaguesve.

Ai paralajmeron anetaret e rinj dhe ato kandidate ne BE se duhet ta kene luften ndaj korrupsionit prioritet kryesor. Sipas komisionerit te Zgjerimit Olli Rehn, vendimi nuk kishte qene i lehte per t'u marre.

“Me vjen keq per kete hap pasi Bullgaria eshte nje histori ekonomike suksesi, eshte nje vend anetar i angazhuar dhe konstruktiv. Por ne na duhet te veprojme sipas rregullave dhe t'i respektojme normat e menaxhimit financiar. Per momentin nuk shohim opsion tjeter”, tha Rehn.

Bullgaria ka ndermarre disa masa qe kur BE-ja i ngriu fondet ne muajin korrik.

Megjithate, Brukseli mendon se shumica ishin vetem premtime pa rezultate konkrete.

Prokuroret bullgare jane duke hetuar rreth 80 raste pervetesimi parash, por asnje zyrtar i larte nuk eshte denuar deri tani.

Po ashtu edhe dhe mbi 100 vrasje te stilit mafioz ne vend mbeten akoma te pandeshkuara.