Institucionet, kreret e “zhytur” ne kredira Rozeta Rapushi

Jo shume i mbare, duket se ka qene viti 2010 per kreret e institucioneve ne vend. Ne deklarimin vjetor te pasurise drejtuesit e institucioneve, si Presidenti i Republikes, Kryetarja e Kuvendit, Prokurorja e Pergjithshme, kryetari i Komisionit Qendror te Zgjedhjeve apo edhe kryetari i Partise Socialiste, nuk kane ndonje blerje te re, perkundrazi, disa prej tyre duket se jane zhytur ne kredi. Prokurorja e Pergjithshme Ina Rama, ndonese ka nje vlere kursimesh prej 1.400.000 lekesh, 2.535.648 leke nga paga vjetore, 63.360 nga Shkolla e Magjistratures apo nga paga e bashkeshortit 957.680 leke, ka deklaruar se ka ende nje kredi te madhe per te shlyer. Keshtu kryeprokurorja ka ende 143.000 euro dhe 15.939 $ kredi per tu kthyer bankave. Ndonese disi me mire se nje vit me pare, kryetari i Partise Socialiste, Edi Rama, vijon me borxhe. Detyrimi i kredise se pashlyer se Rames, eshte ne vleren 845.490 leke. Nderkohe qe shtimi i te ardhurave ne llogarine e tij eshte 221.421 leke si dhe kursime nga paga ne vleren prej 500.700 lekesh. Rama eshte mbajtur gjate vitit 2010 me pagen e tij vjetore dhe shperblimet qe ne total kapin vleren prej 1.613.879 lekesh. Asnje te re nuk ka deklaruar as kryetari i sapo zgjedhur i Bashkise se Tiranes, Lulzim Basha. Ne deklarimin vjetor te pasurise, Basha ka shenuar vetem te ardhurat nga paga e tij vjetore si Minister i Brendshem ne vleren 1.652.127 lekesh si dhe te ardhurat nga paga e bashkeshortes qe kapin vleren prej 14.038 eurosh. Ne pozita shume te mira, nuk eshte as Presidenti Bamir Topi, i cili per vitin qe shkoi, ka deklaruar nje pakesim depozite prej 4.750.644 lekesh, per ndertimin e nje banese si dhe nje tjeter pakesim llogarie ne vleren prej 793.097 lekesh. Ashtu si edhe kreret e tjeret te institucioneve edhe Presidenti, ka ende nje detyrim kredie prej 950.000 lekesh per te shlyer. Te ardhurat e deklaruara nga presidenti jane 2.532.600 leke, te ardhura nga paga e shperblime, 914.948 leke, te ardhura nga paga e bashkeshortes dhe 1.354.457 leke te ardhura nga paga e vajzes. Me mire eshte Kryetarja e Kuvendit, Jozefina Topalli, e cila ka shtuar nje shume prej 500.000 lekesh kursime familjare dhe bashkeshorti i saj, ka blere nje truall per ndertimin e nje shtepie verore ne vleren prej 5.200.000 lekesh si dhe po ashtu ka shtuar nje depozite qe shkon ne vleren prej 6777 eurosh. Akoma me mire duket kreu i KQZ-se, Arben Ristani, i cili ka shtuar nje depozite prej 29.985 $, dhe deklaron nje truall me siperfaqe 330m2 dhe ndertese ne te ne Lunder, Tirane me vleren 170.000 euro.

ILDKP apel per denoncime, jo fjale

Inspektorati i Larte i Deklarimit dhe Kontrollit te Pasurive, nxit te gjithe opinionin publik qe, pasi te njihet me vetedeklarimet e zyrtareve, te ofroje informacione kur kane te dhena se interesat private te zyrtareve mund te jene me shume se sa ato qe kane pasqyruar ne formularin e deklarimit te pasurise. Ne kuader te verifikimit te pasurive, ky institucion ftoi dje te gjithe faktoret e jetes sociale dhe politike shqiptare, qe te tejkaloje fazen e komentimeve te thjeshta mbi te dhenat e pasurive dhe te jene aktive ne denoncimin e korrupsionit me fakte konkrete. Madje per mundesi me te medha bashkepunimi, Inspektorati ve ne dispozicion edhe numrin pa pagese 0800-9999.

Bashkeshortja e “pasur” e Edi Rames

Kryetari socialist, Edi Rama, duket se e ka marre bashkeshorten me te pasur se veten. Ne deklarimin e saj te pare, Lindita Rama, ka deklaruar jo pak pasuri. Keshtu ajo shkruan se disponon nje apartament me siperfaqe 146.15 m2 dhe me verande 68 m2 qe e ka blere me vleren 50.391 euro 50% te siperfaqes qe ajo zoteron. Po keshtu, nje garazh, serish gjysmen e tij me nje siperfaqe prej 17m2, 2500 euro. Bashkeshortja e Rames disponon gjithashtu 2528 m2 toke arre ne Surrel, me vlere 500.000 leke si dhe po toke arre ne Surrel 1955.5 m2 qe deklaron se e ka blere 586,650 leke. Ndryshe nga bashkeshorti i saj, Linda Rama ka depozita bankare ne vleren 19.500 euro dhe 1952 euro si dhe madje dy kontrata huaje pa interes ne vleren 30.000 dhe 40.000 euro.

Pasuria e Lindita Rama

Apartament me siperfaqe 146. 15m2 dhe verande 68m2

Garazh me siperfaqe 17m2

Toke arre 2528me ne Surrel, Tirane me vlere 500.000 leke

Toke arre 1955.5 m2 ne Surrel, Tirane me vlere 586.650 leke

4952 euro gjendje llogari rrjedhese

19.500 euro gjendje depozite

30.000 euro kontrate huaje pa interes

40.000 euro kontrate huaje pa interes

Tabele

President i Republikes, Bamir Topi

4.750.644 leke, pakesim depozite per ndertim banese

793.097 leke, pakesim llogarie

950.000 leke kredi

2.532.600 leke, te ardhura nga paga e shperblime

914.948 leke, te ardhura nga paga e bashkeshortes

1.354.457 leke te ardhura nga paga e vajzes

Prokurore e Pergjithshme, Ina Rama

1.400.000 leke kursime

2.400.000 pakesuar, per mobilim shtepie

2.535.648 leke, te ardhura nga paga

63.360 leke, te ardhura nga Shkolla e Magjistratures

957.680 leke, te ardhura nga paga e bashkeshortit

143.500 euro, kredi

15.939 $ kredi

Kryetar i PS-se, Edi Rama

221.421 leke, shtuar llogari

500.700 leke, kursime nga paga

1.613.879 leke, te ardhura nga paga

845.490 leke, detyrim kredi

Kryetare e Kuvendit, Jozefina Topalli

500.000 leke shtuar gjendja nga kursime familjare

3.168.500 leke te ardhura nga paga si Kryetare e Kuvendit

1.000.000 leke shpenzime per shkollimin e vajzes ne France

5.200.000 leke, blerje trualli per shtepi verore nga bashkeshorti

6777 euro shtim depozite, bashkeshorti

Kryetari Bashkise Tirane, Lulzim Basha

1.652.127 leke te ardhura nga paga si Minister i Brendshem

14.038 euro, te ardhura nga paga e bashkeshortes

Kryetar i Komisionit Qendror te Zgjedhjeve, Arben Ristani

29.985 $, shtuar depozite

170.000 euro, truall me siperfaqe 330m2 dhe ndertese ne te, Lunder, Tirane

1.840.896 leke, te ardhura nga paga si kreu i KQZ-se

29.953 $ te ardhura nga qiradhenia shtepi banimi

74.998 euro kredi per blerje trualli