Inter blen Nagatomon

Inter do të blejë Yuto Nagatomon nga Cesena gjatë verës, ka njoftuar e përditshmja sportive italiane Gazzetta dello Sport.

Reprezentuesi japonez ka impresionuar për Interin pas huazimit gjatë afatit kalimtar të janarit. Ai pritet t’i kushtojë Interit afër 4 milionë euro.

Klubi synon që nëpërmjet Nagatomos të arrijë marrëveshje komerciale në Lindjen e Largët. Ndërsa Nagatomo pritet të luajë kundër Cesenas këtë fundjavë.

“Do të jetë një ndeshje e veçantë për mua. Dua të tregoj të gjitha përmirësimet dhe nuk dua të humb”, tha Nagatomo.