Inter gjobit Sneijderin

Postimi në rrjetin social Twitter nga Wesley Sneijder, ku tregoi paraprakisht se nuk është ftuar për ndeshjen kundër Neftchi në Europa League të enjten, ka hidhëruar krerët e Interit, që kanë gjobitur holandezin me 10 mijë euro.

Lajmi është bërë i ditur nga e përditshmja sportive italiane Gazzetta dello Sport, që po ashtu shtoi se tashmë është e sigurt se e ardhmja e Sneijderit është larg Giuseppe Meazzas.

Futbollisti dhe klubi nuk po gjejnë gjuhë të përbashkët për vazhdimin e kontratës së tij, andaj ish ylli i Real Madridit pritet të braktisë Nerazzurrët gjatë afatit kalimtar të janarit.