Interi, fitore nën ethe

Interi arriti fitore shumë të nevojshme duke mposhtur Genoan me rezultat 5-4 në një ndeshje dramatike në Giuseppe Meazza në kuadër të xhiros së 30-të në Serie A.

Në një duel të përshkuar nga katër penallti (tri për Genoan dhe një për Interin) dhe dy përjashtime (nga një në secilën skuadër), Nerazzurrët dolën triumfues në takimin e parë nën drejtimin e trajnerit të ri, Andrea Stramaccioni.

Diego Milito shënoi het-trik, një nga penalltia, për Interin, që ishte në epërsi 3-0 (goli i tretë u shënua nga Samuel) deri në minutën e 38-të por Genoa ngushtoi epërsinë në 2-3 nëpërmjet Morettit dhe Palaciosit nga penalltia.

Mauro Zarate në minutën e 75-të dërgoi Interin në epërsi 4-2 por vetëm katër minuta më vonë portieri Julio Cesar u ndëshkua me karton të kuq dhe shkaktoi penallti të cilën e konkretizoi Alberto Gilardino për 4-3. Pesë minuta më vonë ishte radha e Interit të realizojë nga penalltia nëpërmjet Militos, rast në të cilin u përjashtua Belluschi.

Kurse, në minutën e 90-të, Gilardino realizoi sërish nga një penallti por pikët e plota mbetën në Meazza.

Rezultatet:

Siena-Udinese 1:0

Bologna-Palermo 1:3

Cagliari-Atalanta 2:0

Fiorentina-Chievo 1:2

Inter-Genoa 5:4

Lecce-Cesena 0:0

Roma-Novara 5:2

Juventus-Napoli (sonte)