Irak, miratohet qëndrimi i trupave të huaja

Këshilli presidencial irakian aprovoi të dielën një rezolutë përmes së cilës u lejon forcave të huaja të armatosura (jo-amerikane) të qëndrojnë në territorin e vendit edhe pas skadimit të mandatit të OKB-së, që përfundon ditën e fundit të këtij viti. Ishte hapi i fundit për adaptimin përfundimtar të rezolutës, e cila u miratua nga Parlamenti i këtij vendi të martën. Një marrëveshje e miratuar më parë u nënshkrua për të lejuar qëndrimin e trupave amerikane.