Stalini, pretendent për statusin e individit më popullor në Rusi
Sipas një sondazhi të zhvilluar në rang kombëtar, diktatori sovjetik, Josif Stalin, mbetet figura historike me më shumë popullaritet në Rusi, pavarësisht krimet e shumta që shoqëruan qëndrimin e tij në pushtet. Diktatori me origjinë gjeorgjiane është në vendin e tretë në sondazhin e organizuar nga kanali televiziv shtetëror rus, "Rosija", rezultati përfundimtar i të cilit do të bëhet publik gjatë ditës së sotme.
Miliona banorë të Bashkimit Sovjetik vuajtën kriza të gjata urie gjatë kolektivizmit të detyruar të bujqësisë, u ekzekutuan si armiq të popullit apo vdiqën për shkak të punës së rëndë e torturave nëpër gulagë gjatë dominimit të Stalinit, i cili zgjati për thuajse 30 vjet deri në vdekjen e tij në vitin 1953.
Në krye të 12 finalistëve të sondazhit qëndron princi i shekullit XIII, Aleksandër Nevski, i cili theu pushtuesit gjermanë me 11.7 për qind të votave të të anketuarve. Ndiqet nga Pjetër Stolipin, Kryeministër gjatë fillimit të shekullit XX, i njohur për reformat agrare dhe për veprimin me dorë të fortë kundër revolucionarëve të majtë me 11.6 për qind.
Projekti u nis me një listë fillestare të përbërë nga 50 figura të famshme historike. Por cilido qoftë rezultati, aktivistët për mbrojtjen e të drejtave të njeriut dhe komunistët kanë vërejtur se votimi i deritanishëm tregon qartë se Stalini po gëzon popullaritet të paprecedentë në Rusinë kapitaliste. "Brezat e rinj janë ushqyer me mite mbi Stalinin. Nuk dinë asgjë për ata miliona fatkëqij që vdiqën nëpër gulage, por dinë mirë se ishte një lider i fortë që mundi nazistët", tha për agjencinë "Reuters" aktivisti i të drejtave të njeriut, Lev Ponomarjov.
Shtoi se hija e stalinizmit ndihet në tonet e ashpra të Moskës ndaj Perëndimit, nga i cili po vijnë kritika të forta për hapa prapa në demokraci e për veprime me dorë të fortë ndaj disidentëve. "Edhe njëherë, armiqtë e jashtëm janë ata që duhet të fajësohen për të gjitha problemet e brendshme, kështu që duhet ta ushtrosh pushtetin me dorë të hekurt - metodë tërësisht staliniste", tha aktivisti.
Nostalgjikëve të Stalinit u pëlqen të përsërisin se udhëheqësi mposhti Gjermaninë naziste, industrializoi Bashkimin Sovjetik dhe shkolloi një komb tërësisht të prapambetur. "Sigurisht, ka edhe faqe të errëta... dhe bashkë me gjenialitetin e tij gjendeshin edhe momente destruktive, por në përgjithësi kujtohet më së shumti si një lider i madh", tha për "Reuters" Viktor Iljukin, një prej krerëve të Partisë Komuniste ruse. "Jetojmë nën kapitalizmin që prej 20 vitesh dhe çfarë? Tani jemi shtet i dorës së dytë, nuk jemi më superfuqi. Zëri ynë është i dobët si në planin ekonomik, edhe në atë politik, ndërkohë që vendime të rëndësisë së lartë shpesh merren pa ne", përfundoi Viktor Iljukin.
Miliona banorë të Bashkimit Sovjetik vuajtën kriza të gjata urie gjatë kolektivizmit të detyruar të bujqësisë, u ekzekutuan si armiq të popullit apo vdiqën për shkak të punës së rëndë e torturave nëpër gulagë gjatë dominimit të Stalinit, i cili zgjati për thuajse 30 vjet deri në vdekjen e tij në vitin 1953.
Në krye të 12 finalistëve të sondazhit qëndron princi i shekullit XIII, Aleksandër Nevski, i cili theu pushtuesit gjermanë me 11.7 për qind të votave të të anketuarve. Ndiqet nga Pjetër Stolipin, Kryeministër gjatë fillimit të shekullit XX, i njohur për reformat agrare dhe për veprimin me dorë të fortë kundër revolucionarëve të majtë me 11.6 për qind.
Projekti u nis me një listë fillestare të përbërë nga 50 figura të famshme historike. Por cilido qoftë rezultati, aktivistët për mbrojtjen e të drejtave të njeriut dhe komunistët kanë vërejtur se votimi i deritanishëm tregon qartë se Stalini po gëzon popullaritet të paprecedentë në Rusinë kapitaliste. "Brezat e rinj janë ushqyer me mite mbi Stalinin. Nuk dinë asgjë për ata miliona fatkëqij që vdiqën nëpër gulage, por dinë mirë se ishte një lider i fortë që mundi nazistët", tha për agjencinë "Reuters" aktivisti i të drejtave të njeriut, Lev Ponomarjov.
Shtoi se hija e stalinizmit ndihet në tonet e ashpra të Moskës ndaj Perëndimit, nga i cili po vijnë kritika të forta për hapa prapa në demokraci e për veprime me dorë të fortë ndaj disidentëve. "Edhe njëherë, armiqtë e jashtëm janë ata që duhet të fajësohen për të gjitha problemet e brendshme, kështu që duhet ta ushtrosh pushtetin me dorë të hekurt - metodë tërësisht staliniste", tha aktivisti.
Nostalgjikëve të Stalinit u pëlqen të përsërisin se udhëheqësi mposhti Gjermaninë naziste, industrializoi Bashkimin Sovjetik dhe shkolloi një komb tërësisht të prapambetur. "Sigurisht, ka edhe faqe të errëta... dhe bashkë me gjenialitetin e tij gjendeshin edhe momente destruktive, por në përgjithësi kujtohet më së shumti si një lider i madh", tha për "Reuters" Viktor Iljukin, një prej krerëve të Partisë Komuniste ruse. "Jetojmë nën kapitalizmin që prej 20 vitesh dhe çfarë? Tani jemi shtet i dorës së dytë, nuk jemi më superfuqi. Zëri ynë është i dobët si në planin ekonomik, edhe në atë politik, ndërkohë që vendime të rëndësisë së lartë shpesh merren pa ne", përfundoi Viktor Iljukin.