Ish-presidentja arrestohet në spital

Ish-presidentja 64-vjeçare e Filipineve, Gloria Macapagal Arroyo, është të premten në një spital të Manilës, duke ndodhej për shërim. Ajo është arrestuar nën akuzat për vjedhje dhe korrupsion.

Arroyo në fakt akuzohet për vjedhje dhe korrupsion gjatë periudhës nëntëvjeçare, mes viteve 2001-2010, sa ishte presidente e vendit.

Në fillim të kësaj jave ish-presidentja filipinase ishte përpjekur të largohej nga Filipinet, me arsyetimin se po kërkonte një trajtim mjekësor jashtë vendit për një sëmundje të rrallë të eshtrave, por autoritetet nuk e lejuan që të largohej. Paraprakisht gjykata supreme kishte marrë vendim se ajo ishte e lirë të udhëtonte, por qeveria e injoroi këtë vendim të gjykatës.

Arroyo tani thotë se akuzat janë të fabrikuara, edhe pse, nëse shpallet fajtore ajo mund të dënohet me burg të përjetshëm.

Edhe ish-presidenti tjetër i Filipineve, Jozef Estrada, gjithashtu ishte dënuar me burg për korrupsion, megjithëse më vonë atë e kishte amnistuar pikërisht presidentja Gloria Macapagal Arroyo.