Itali, të paktën 5 të mbytur në anijen “Costa Concordia”

Numri i të vdekurve nga mbytja e anijes luksoze italiane u rrit në pesë, pasi punonjësit e shpëtimit zbuluan sot trupat e dy burrave të moshuar në pjesët e fundosura të “Costa Concordias”. Ndërkohë numri i të zhdukurve është reduktuar nga rreth 40 në 15.

Mbrëmjene së shtunës, një çift nga Koreja e Jugut që ishin në muajin e mjaltit u nxorën nga kabina e tyre. Të paktën tre njerëz u vranë kur anija ngeci në rërë të premten në darkë në brigjet e italisë veriore duke batuar nga njëra anë. Dy francezë dhe një pjestar peruan i personelit vdiqën. Më shumë se 30 njerëz u plagosën. Skuadrat e shpëtimit të cilat përdorën barkat e shpëtimit dhe helikopterët arritën të evakuonin më shumë se 4 mijë pasagjerë dhe pjestarë të ekuipazhit në ishullin Xhilio aty pranë mëngjesin e së shtunës.

Pasagjerët e mbijetuar tregojnë përvojnë e hidhur, mes tyre dhe turisti amerikan, Mark Plath.

“Ne ishim duke qëndruar dhe anija nisi të ecte me shpejtësi, u kthye dhe pashë një nga vinçat e anijes që goditi një prej anijeve të shpëtimit e cila u thye …
Aty ishin dy nejrëz… pashë 5 të tjerë që u hodhën në ujë e nisën të notojnë ..”

Pasagjerët ishin në orarin e darkës në kohën e incidentit dhe iu është thënë se anija kishte probleme energjie.

Autoritetet kanë nisur një hetim për arsyet se përse anija preku në cektinë.

Kapitetini italian Françesko Schetino u ndalua dje mbasi u mor për disa orë në pyetje. Agjencia italiane ANSA thonë se ai do të përballet me disa akuza, mes tyre për vrasje dhe braktisje të anijes.