Itali, vdes në punë shqiptari

Një emigrant shqiptar në
Itali ka gjetur vdekjen, si
pasojë e një aksidenti në punë.
Sipas informacioneve në mediat
italiane, aksidenti ndodhi
në Spoltore, në provincën e
Peskarës, në kohën kur shqiptari
ishte duke punuar. Policia
italiane ka shpjeguar se viktima
ishte duke çmontuar disa
shtylla, kur u godit nga krahu
i një vinçi. Nga media italiane
mësohet se shqiptari është 23-
vjeçari Gerald Meta. Menjëherë
në vendin e ngjarjes shkuan
shërbimet e policisë, të cilët
shoqëruan dëshmitarët okularë.
Këta të fundit, shpjeguan
rrethanat e ngjarjes, ndërkohë
që shqiptarit i është dhënë
ndihma e menjëhershme, por
ka ndërruar jetë gjatë rrugës
për në spital.