Itali/Aksident rrugor, vdesin 3 shqiptarë

Tre shtetas shqiptarë kanë humbur jetën në një aksident rrugor në Itali. Lajmi bëhet i ditur nga mediat italiane të cilat theksojnë se makina ku udhëtonin tre shtetas shqiptarë ka humbur kontrollin dhe ka dalë nga rruga dhe ka përfunduar në kanal.
Për pasojë kanë humbur jetën shtetasit shqiptarë Agustin Pjetri 22 vjeç, Marjol Koni 18 vjeç dhe Sadik Kurti 44 vjeç.
Ndërkohë nuk dihen ende shkaqet e aksidentit rrugor i cili i mori jetën tre shqiptarëve.