Italianët kundër rracizimit. Kujtohet edhe emigrtanti shqiptar që vdiq duke punuar
Firence – Mbi 20 mijë persona dolën në rrugë për të manifestuar kundër racizmit, pas vrasjes se dy emigrantëve nga Senegali nga një person që i përkiste një grupimi të ekstremit të djathtë. Në shumë qytete të tjera italiane u zhvilluan manifestime të ngjashme, me pjesëmarrjen edhe të eksponentëve politikë. Ministri i Bashkëpunimit Ndërkombëtar dhe i Integrimit, Andrea Riccardi, i bëri një thirrje të fortë Lidhjes së Veriut, forca politike e njohur për qëndrimin e saj kundër emigracionit. Ministri u shpreh se ka një klimë të rëndë urrejtjeje. Fjalët janë armë, mos predikoni përçmimin.
E ndërsa në qytete të ndryshme italiane, shtetas italianë dhe emigrantë manifestonin përkrah njeri tjetrit, ministri Riccardo shkoi në Pavionin e ri te Muzeut të Detit në Genova, ku eshte ngritur një pavion kushtuar kujtimit të emigracionit. Ai nderoi me lule dhe me nje minutë heshtje kujtimin e emigrantit shqiptar Albert Kolgjegja, i cili humbi jetën ne vitin 2003 gjatë punimeve për ndërtimin ë muzeut. Emigranti nga Lura mbeti nën një pllakë betoni prej pese tonesh dhe ai u kthye ne simbolin e te gjithe atyre qe humbasin jeten ne vendin e punes, fenomen i rëndë ky në Itali.
Nga te dhenat e nxjerra kete jave nga Vega, observatori per Sigurinë në pune, del se ndër të huajt qe kane humbur jetën në vendin e punës këtë vit, shqiptaret radhiten te dytët. Kjo edhe për faktin se ata janë të punësuar edhe në sektorët më të rëndë, sic ndërtimi.
No related posts.