Ivanoviç: Prishtina të angazhohet për kthimin e serbëve

“Dialogu mes Prishtinës dhe Beogradit në Bruksel është vendi në të cilin qeveria e Kosovës duhet të angazhohet për kthimin e serbëve të zhvendosur”, ka thënë sekretari shtetëror në të ashtuquajturën Ministri për Kosovën, Oliver Ivanoviç.

Sipas mediave serbe, ai ka vlerësuar se arsyeja kryesore për numrin e vogël të të kthyerve është frika për siguri. Ivanoviç konsideron se shqiptarët e Kosovës kundërshtojnë kthimin e serbëve në pronat e tyre, sepse po i shfrytëzojnë ato tashmë 12 vjet.