Ivanoviq: Nikoliq s’mundet t’i bllokojë marrëveshjet me Kosovën

Politika e Serbisë karshi Kosovës nuk pritet të ndryshojë edhe pas ardhjes së Tomisllav Nikoliqit në krye të shteti serb, ka thënë sekretari për Kosovën në Qeverinë e Serbisë, Oliver Ivanoviq, në një intervistë për “Tribuna Shqiptare”.

Ivanoviq thotë se mënyra se si do të krijohet Qeveria e Serbisë do të jetë shumë me rëndësi në raport me vazhdimin e politikave ndaj Kosovës.

Thotë se Nikoliq ‘as nuk do as nuk mundet’ t’i bllokojë marrëveshjet e arritura gjatë dialogut me Kosovën. Sipas Ivanoviqit, tash kur pritet që bisedimet në Bruksel të mos jenë thjesht teknike, mund të ketë nevojë për ndryshimin e kryenegociatorit serb, për ta zëvendësuar Borko Stefanoviqin.