Izraeli zhgënjen BE-në
Nga Express më 06 gusht 2011 në ora 15:30
Shefja për Politikë të Jashtme e Bashkimit Evropian, Catherine Ashton, ka shprehur zhgënjimin e bllokut me veprimet e Izraelit, i cili ka vazhduar ndërtimin e 900 shtëpive të reja në Jerusalemin Lindor.
“Bashkimi Evropian ka kërkuar në mënyrë të vazhdueshme që qeveria e Izraelit t’iu japë fund të gjitha aktiviteteve ndërtimore në Bregun Perëndimor, përfshirë dhe Jerusalemin Lindor. Të gjitha këto aktivitete janë të paligjshme sipas ligjit ndërkombëtar”, thuhet në deklaratën e Ashtonit.