Ja si perdoret pasaporta e vjeter me vize

Tirane-Ministria e Brendshme ka dhene dje te gjitha rruget qe duhet te ndjeke qytetari per t'u pajisur me pasaporte te re biometrike, si dhe nxjerrjen e pavlefshme te pasaportave te vjetra, po pa u demtuar atyre vizen. Ministria e Brendshme ben te ditur se per te marre ne dorezim pasaporten biometrike per te cilen kane aplikuar, duhet te paraqiten me pare tek punonjesi i policise, i cili ndodhet ne te njejtin ambjent me zyrat e "Aleat" qe shperndajne pasaportat biometrike. Zedhenesi i Ministrise se Brendshme, Fatmir Konja, ka sqaruar edhe rrugen qe duhet te ndiqet ne te gjitha rastet e mundshme:
Ne rast se qytetari zoteron pasaporte te tipit te vjeter, punonjesi i policise e ben ate te pavlefshme, duke i shpuar dy vrima ne kapak pa e demtuar vizen, lejen e qendrimit, apo shenime te tjera, qe mund te ndodhen ne pasaporte dhe me pas ia dorezon qytetarit. Ne rast se qytetari nuk ka qene i pajisur me pasaporte te tipit te vjeter, punonjesi i policise pas verifikimit ne sistem, i leshon vertetimin perkates. Ne rast se qytetari, rezulton ne sistem i pajisur me pasaporte te tipit te vjeter dhe sqaron se nuk e ka pasaporten, per arsye se i ka humbur, i eshte vjedhur apo demtuar, qytetari drejtohet per te deklaruar kete, tek komisariati i policise qe e ka leshuar ate pasaporte. Aty pajiset me vertetimin perkates nga specialistet e policise, pasi leshon nje deklarate me shkrim lidhur me cfare i ka ndodhur me pasaporten e tipit te vjeter. Ne kete menyre, sqaron zedhensi, qytetari do te mundet te terheqe pasaporten biometrike prane zyres se "Aleat", vetem duke paraqitur ose pasaporten e vjeter te bere te pavlefshme nga punonjesi i policise, ose vertetimin qe nuk ka qene i pajisur me pare me pasaporte, ose vertetimin se pasaporta i ka humbur, i eshte vjedhur apo demtuar. Me pas, sqaron me tej zedhenesi, eshte nepunesi i "Aleat", ai i cili verifikon pasaporten e bere te pavlefshme dhe ia dorezon perseri qytetarit, ose administron vertetimin, sipas te dy rasteve te siperpermendura, dhe me tej vijon me proceduren e dhenies se pasaportes se re biometrike.
Ministria e Brendshme ben me dije se Drejtoria e Pergjithshme e Policise se Shtetit ka caktuar personat perkates per kryerjen e kesaj procedure dhe ka dhene udhezimet e nevojshme per nje sherbim sa me te shpejte e profesional ndaj qytetareve. Ky proces, i pajisjes me pasaporta biometrike, forecon suksesin e te gjithe procesit te permbushjes se kritereve per perfitimin se shpejti te liberalizimit te vizave me Bashkimin Europian. Sipas statistikave, deri me 5 shkurt te ketij viti, numerohen rreth 475 mije aplikime per pasaporta biometrike.