Rama, te hene mbledh aleatet per protesten

Kreu socialist Edi Rama, tha dje me bindje se protesta popullore, eshte pikerisht ajo qe ka zgjeruar frontin e aleances se PS-se, me parti majtas dhe djathtas, me shoqata e perfaqesues te shoqerise civile. Duke theksuar se selia roze nuk do te heqe dore nga protestat, nese nuk gjendet gjuha e perbashket me kryeministrin Sali Berisha. "Jemi per beteje demokratike ne rruge deri ne zmbrapsjen e ketij pushteti qe nuk na lejon te shohim voten tone. Une ushtroj kete mandat, nuk kam mandat tjeter. Nuk harroj, dhe besoj eshte ne syte e te gjitheve se pershkallezimi i kesaj proteste, ka sjelle prane nesh pra prane popullit socialist te gjithe popullin opozitar majtas e djathtas, ka zgjeruar frontin e aleances sone mes partish, ka zgjeruar frontin edhe me perfaqesues te shoqerise, shoqata dhe shume shpejt ky front i ri per Shqiperine do te jete publik, pertej partive politike pertej cdo kufiri qe na ndan ne kushte normale, por qe nuk ekziston ne kushtet kur duhet te garantojme liri dhe demokraci per te gjithe", tha Rama. Ndaj sipas tij, protestat do te zhvillohen per liri dhe demokraci. Rama theksi se protestat zhvillohen kudo, kurdohere ku ka nevoje per garantimin e lirive dhe te drejtave. "Protesta jone nuk ka te beje fare me dhunen. Ka te beje me rezistencen demokratike ndaj dhunes antikushtetuese dhe antiligjore te nje pushteti ilegjitim, i cili nuk pranon te beje transparencen e kutive te votimit", beri te qarte kreu socialist, duke theksuar se PS eshte e vendosur per t'i shkuar deri ne fund kesaj beteje. "Kjo jo beteja e nje pale ndaj nje pale tjeter, ne rast se do te ishte beteja e nje pale ndaj nje tjetre te jeni te sigurt qe une nuk do isha ne krye te kesaj beteje. Kjo eshte beteja per nje Shqiperi qe voton dhe zgjedh lirisht. Kete Shqiperi ne ende sot nuk e kemi", tha Rama.