Jahjaga: 12 Qershori i dha fund gjenocidit në Kosovë
PRISHTINE- Presidentja e Republikës së Kosovës, Atifete Jahjaga ka bërë një deklaratë me rastin e 12 Qershorit - Ditës së Lirisë.
Të nderuar qytetarë të Republikës së Kosovës, dymbëdhjetë qershori shënon për të gjithë ne, për popullin dhe shtetin e Kosovës, fundin e një epoke shumë të rëndë të historisë dhe fillimin e një etape të re, të ndritshme, të jetës e të zhvillimit tonë si shtet dhe shoqëri, thuhet në deklaratën e Presidentes.
Në deklaratë më tej thuhet se, Dita e Lirisë “12 Qershori” shënon ditën kur, përfundimisht, iu dha fund shtypjes, politikës hegjemoniste dhe gjenocidit ndaj popullit të Kosovës. Liria u fitua me rezistencën e gjatë të popullit ndaj pushtimit, me luftën e armatosur të Ushtrisë Çlirimtare të Kosovës, me fushatën ajrore të NATO-s dhe përkrahjen e pakursyer të botës demokratike.
Në këtë ditë, ne përulemi para kujtimit të të gjithë atyre që luftuan dhe u sakrifikuan për Lirinë dhe Pavarësinë e Kosovës. Falënderojmë gjithë liderët dhe shtetet e botës, që u vunë në mbrojtje të popullit të Kosovës në njërën ndër periudhat më të rënda të historisë së tij.
Nderojmë të gjithë ata burra e gra, pjesëtarë të NATO-s, që u angazhuan në mbrojtje të qytetarëve të Kosovës, duke u bërë simbol lirie e shpëtimi, dhe duke ndihmuar pas luftës rindërtimin dhe zhvillimin demokratik të vendit si dhe sigurinë e Kosovës.
Republika e Kosovës sot është shtet demokratik i të gjithë qytetarëve të saj, faktor paqeje dhe stabiliteti në rajon, dhe promotor i fqinjësisë së mirë, me synim të qartë të anëtarësimit në BE, NATO dhe OKB.
Ne po ndërtojmë një shtet të së drejtës, një shtet gjithëpërfshirës dhe ku respektohen vlerat e secilit qytetar. Sot duhet të jemi të bashkuar në rrugën tonë të përbashkët drejt një të ardhmeje më të mirë të integrimit në Bashkimin Evropian dhe në miqësi me Shtetet e Bashkuara të Amerikës, përfundon urimi i presidentes Jahjaga.
(m.a/tg/BalkanWeb)
Të nderuar qytetarë të Republikës së Kosovës, dymbëdhjetë qershori shënon për të gjithë ne, për popullin dhe shtetin e Kosovës, fundin e një epoke shumë të rëndë të historisë dhe fillimin e një etape të re, të ndritshme, të jetës e të zhvillimit tonë si shtet dhe shoqëri, thuhet në deklaratën e Presidentes.
Në deklaratë më tej thuhet se, Dita e Lirisë “12 Qershori” shënon ditën kur, përfundimisht, iu dha fund shtypjes, politikës hegjemoniste dhe gjenocidit ndaj popullit të Kosovës. Liria u fitua me rezistencën e gjatë të popullit ndaj pushtimit, me luftën e armatosur të Ushtrisë Çlirimtare të Kosovës, me fushatën ajrore të NATO-s dhe përkrahjen e pakursyer të botës demokratike.
Në këtë ditë, ne përulemi para kujtimit të të gjithë atyre që luftuan dhe u sakrifikuan për Lirinë dhe Pavarësinë e Kosovës. Falënderojmë gjithë liderët dhe shtetet e botës, që u vunë në mbrojtje të popullit të Kosovës në njërën ndër periudhat më të rënda të historisë së tij.
Nderojmë të gjithë ata burra e gra, pjesëtarë të NATO-s, që u angazhuan në mbrojtje të qytetarëve të Kosovës, duke u bërë simbol lirie e shpëtimi, dhe duke ndihmuar pas luftës rindërtimin dhe zhvillimin demokratik të vendit si dhe sigurinë e Kosovës.
Republika e Kosovës sot është shtet demokratik i të gjithë qytetarëve të saj, faktor paqeje dhe stabiliteti në rajon, dhe promotor i fqinjësisë së mirë, me synim të qartë të anëtarësimit në BE, NATO dhe OKB.
Ne po ndërtojmë një shtet të së drejtës, një shtet gjithëpërfshirës dhe ku respektohen vlerat e secilit qytetar. Sot duhet të jemi të bashkuar në rrugën tonë të përbashkët drejt një të ardhmeje më të mirë të integrimit në Bashkimin Evropian dhe në miqësi me Shtetet e Bashkuara të Amerikës, përfundon urimi i presidentes Jahjaga.
(m.a/tg/BalkanWeb)