Jaka: Të lirohet biznesmeni Rezart Taçi

“Dhoma e Tregtisë dhe Industrisë si përfaqësuesja legjitime e biznesit e sheh të arsyeshme që sot më shumë se kurrë duhet të mbrohen njëlloj dhe me të njëjtin seriozitet si të drejtat e biznesit ashtu dhe të drejtat e mediave”, thuhet në reagimin e kësaj Dhome.

Në deklaratë thuhet se “Ne jemi kundër çdo lloj abuzimi me lirinë e mediave, jemi kundër cënimit të integritetit të kujtdo e aq më tepër të sipërmarrësve të cilët edhe për misionin që kanë marrë, shpesh bëhen pre e abuzimeve. Për këtë arsye, ne i bëjmë thirrje, por dhe inkurajojmë organet kompetente që të jenë sa më të drejta në zbardhjen e plotë të ngjarjes dhe në vendimet që duhet të marrin”.

Gjithashtu, krue i kësaj Dhome, Nikolin Jak deklaron se ashtu siç kërkohet liri për mediat, duhen edhe kushte për biznesin. “Por, nëse ne goditemi në mënyrë të vazhdueshme me shpifje personale, nëse ne goditemi publikisht për shkaqe politike, nëse ne jemi pre e interesave të ngushta private, kjo nuk i shërben as progresit dhe as integrimit”, vijon deklarata.