Janinë, 2 aksidente, 6 të vdekur, disa shqiptarë

Gjashtë të vdekur mes të cilëve edhe shqiptarë është bilanci i dy  aksidenteve tragjikë të ndodhura në orët e para të ditës së sotme në rrugët e Janinës.

Siç njoftojnë mediat vendase, rreth orës 4 të mëngjesit një makinë të cilën po e ngiste një 29- vjeçar tentoi të parakalonte një kamion, ndërsa momenti rezultoi fatal pasi u përplas me makinën që vinte në krahun e kundërt.

Shoferi 29- vjeçar, u plagos për vdekje, ndërsa shoferi i makinës tjetër, një shqiptar 40- vjeçar, bashkë me një vajzë, 11- vjeçe gjetën gjithashtu vdekjen nga përplasja. Kombesia e vajzes ende nuk eshte bere me dije.

Thuajse në të njëjtën kohë, në një kryeqëzim tjetër në zonën  e Lapsista në afërsi të Janinës është shënuar një tjetër përplasje mes dy automjetesh. Bilanci ishte tragjik, tre të vdekur, një 23- vjeçar shqiptar, shofer i njërës prej makinave, nje grua  49- vjeçare,  shqiptare,  dhe një foshnje vetëm 2- vjeçe nga makina tjeter.

Nga aksidentet kane mbetur edhe disa persona te plagosur, te cilet jane derguar menjehere ne spital, ndersa kane marre plage te renda.