Japoni, shkon në 47 numri i viktimave nga tajfuni “Talas”

Është rritur në 47 bilanci i viktimave të tajfundit “Talas” që ka goditur disa prefektura të Japonisë.
 

Zyrtarët lokalë të emergjencave thanë se 54 persona të tjerë rezultojnë të zhdukur pasi stuhia shkaktoi përmbytje dhe rrëshqitje në disa rajone.
 

Autoritetet thanë se më shumë se 16 mijë persona janë evakuuar në zonat e prekura nga përmbytjet. Në disa rajone janë raportuan probleme me energjinë elektrike. Gjatë tre ditëve tajfuni solli sasi rekord reshjesh shiu.