Java, euro forcohet serish ndaj lekut

Kete fundjave monedha evropiane ka nisur te forcohet serish ndaj lekut. Gjate dy diteve te fundit monedha e perbashket evropiane eshte forcuar me rreth 1.5 pike kundrejt lekut shqiptar. Ne agjencite valutore, euro blihet me 135.9 leke dhe shitet me 136.6 leke, ndersa dollari kembehet me 92.1 leke ne blerje dhe me 92.8 leke ne shitje. Kambistet shpjegojne se monedha e eurozones do te vazhdoje te ruaje keto nivele, favorizuar nga mungesa e valutes ne treg. Ata shprehen se, aktualisht kerkesa per euro eshte me e madhe se oferta. Nje euro e forte penalizon te gjithe qytetaret qe kane marre kredi ne valute dhe qe te ardhurat i kane ne leke, pasi duhet te paguajne me shume per kestet mujore, kur normave te interesit u shtohet edhe kostoja e transaksionit. Sipas te dhenave te Bankes se Shqiperise, mbi 75% e totalit te kredive te dhena nga bankat jane ne valute dhe kryesisht ne euro. Qe nga fillimi i vitit e deri me tani monedha vendase leku eshte zhvleresuar 12.6 per qind ne kembim me euron kurse ne kembim me dollarin vlera ka qene me e ekuilibruar. Eksperte te ekonomise vleresojne se, zhvleresimi i monedhes vendase ne nje moment te caktuar deri rreth 15 % nuk eshte shqetesues. Pertej ketij kufiri autoritetet duhet te shqetesohen. Mirepo Banka e Shqiperise nderhyn rregullisht nepermjet instrumenteve te saj ne stabilizimin e tregut te kembimit. Por gjithsesi Banka e Shqiperise eshte shprehur se, vlera e lekut ne treg do te vendoset nga tregu i lire. Sipas autoriteteve tona te financave dhe bankave edhe per nje kohe te gjate leku do te jete monedha qe do te dominoje transaksionet brenda vendit. Rrogat dhe pensionet do te jene ne kete monedhe, i gjithe tregu i pakices dhe qindra sherbime te tjera ofrohen ne leke. Keshtu qe qytetaret shqiptare duhet te mos humbasin besimin tek leku, i cili pergjate 10 viteve te fundit ka shfaqur qendrueshmeri ne tregun e kembimit, duke reflektuar keshtu qendrueshmerine makroekonomike te vendit.