Veteplagoset me plumb ne koke, mister shkaqet

Durres- Veteplagoset me pistolete ne rrethana misterioze nje 37-vjecar nga qyteti i Durresit. Ngjarja ka ndodhur rreth ores 10:55 te dites se djeshme, ne lagjen nr. 17 ne banesen e Gentian K. Burime zyrtare te policise thane se per momentin hetohet pista e veteplagosjes nga pakujdesia, por ende rrethanat nuk jane zbardhur plotesisht. Babai i nje femije, jetonte se bashku me familjen ne nje shtepi me qira ne qytetin bregdetar. Sipas rrefimit te bashkeshortes, ngjarja ka ndodhur nga nje pakujdesi, por nuk perjashtohet edhe nje akt flijimi ne momente depresioni. Burime te policise thane se ne momentin e veteplagosjes, 37-vjecari ka qene nen efektin e alkoolit. Ne pistoleten me mulli nuk jane gjetur fisheke, duke lene te dyshohet se ka qene vetem nje plumb, me te cilin i plagosuri luante. Plumbi e ka demtuar ne pjesen e kokes, duke i shkaktuar kalimin ne gjendje koma. Mjeket e kane futur ne sallen e operimit per nderhyrje kirurgjikale dhe deri dje ne mbremje jeta e 37-vjecarit ka qene ne rrezik. Grupi hetimor deklaroi se per momentin po punohet per zbardhjen e plote te rrethanave te ngjarjes dhe motivet.