Jep dorëheqje drejtori i Statistikave

Në vlugun e përgatitjes së institucioneve vendëse për të filluar regjistrimin e popullsisë, i cili është paralajmëruar për në prill të këtij viti, ushtruesi i detyrës së drejtorit të Entit të Statistikave të Kosovës, Nait Vrenezi, ka dhënë dorëheqje nga ky post.

Dorëheqjen e tij e ka konfirmuar zyrtari për informim në Ministrinë e Shërbimeve Publike, Visar Xani.

“Zoti Vrenezi e ka paraqitur dorëheqjen dhe atë e ka dorëzuar në zyrën e kryeministrit”, ka thënë Xani.

Thirrjeve të gazetës për të kuptuar arsyet e dorëheqjes nuk u është përgjigjur Vrenezi.