Jo më infermierë të palishensuar në spitale

Pavarësisht kontrolleve të herëpashershme, infermierët kanë probleme me komunikimin me pacientët, paraqiten pa uniformën në punë dhe në mjaft raste largohen nga vendi i punës brenda orarit.
 

Kjo situatë ndeshet jo vetëm në qëndrat shëndetësore të zonave rurale por edhe në spitalet e mëdha. Dy infermiere, që shërbjenë në qëndrat shëndetësore të fshatra janë në hetim dhe rrezikojnë heqjen e licencës.
 

Ministri i Shëndetësisë Vangjel Tavo tha se nuk do të lejojmë që infermierët, laborantet dhe mamitë të punojnë pa marrë licensën.
 

Në vend janë të licensuar 16.000 infemierë. 93% e tyre janë të regjistuar në urdhërin e infermierit ndërsa ka dhe nga ata që ende punojnë duke shmangur ligjin.
 

137 kërkesa janë paraqitur në urdhërin e infermierit për shkelje të etikës profesionale ndërsa denoncimet për mitmarrje janë ende të pakta.
 

Për këtë urdhri i infermierit do të shpërndajë edhe formularë duke ruajtur anonimatin e të intervistuarit nëse kanë qënë viktima të dhënies së parave nën dorë për marrjen e një shërbimi shëndetësor.