"Jo presion mbi prokurorine"

Partia Demokracia Sociale i kerkon kryeministrit te heqe dore nga presionet mbi Prokurorine, Gjykatat dhe Sherbimin Informativ Shteteror. Sekretari politik i kesaj partie, Artur Duckallari tha dje se Kryeministri dhe te gjithe personat prane tij, t'i drejtohen organit te Prokurorise dhe ne menyre te vullnetshme te rrefejne implikimin e tyre ne trafikun e municioneve dhe fishekeve, qe kulmuan me kraterin e Gerdecit.

"Ka ardhur koha qe keta zoterinj tani te kuptojne se, askush nuk do te mund te fshihet me pas imunitetit dhe mandatit, per me teper ideologet dhe zbatuesit e krimeve shteterore" u shpreh Duckallari. Sipas tij, vetem me dorezimin vete ne prokurori dhe te deshmojne ne menyre te vullnetshme, Berisha dhe njerezit e tij kane shansin ta tregojne, nese u ka mbetur ende ndonje fije respekt per ligjin, shtetin dhe qytetaret e ketij vendi.