"Bizneset, qeveria 3 here me larg vendeve te BE"
TIRANE - Selia roze akuzon kryeministrin Sali Berisha dhe Qeverine e tij si te deshtuar ne politikat me bizneset, pasi ato nuk kane garancine per te funksionuar ne nje treg me rregulla dhe konkurrence te ndershme. Duke komentuar raportin e Bankes Boterore qe sipas tij, kryeministri Berisha po mburret perdite me te, nensekretari per Programin Ilir Beqja tha dje se nuk mund te flasesh per konkurrence te ndershme ne nje vend ku korrupsioni eshte njolla me e zeze e qeverisjes. "Bizneset ne studimin e Bankes Boterore deklarojne qe e kane gjithnje dhe me te veshtire te gjejne fuqi punetore te kualifikuar sipas kerkesave te tyre", u shpreh Beqja. Po keshtu, sipas tij nga Banka Boterore thuhet se nje shqiptar arsimohet mesatarisht 9.6 vite shkolle krahasuar me 12 vite ne vendet e Bashkimit Evropian, nderkohe qe me vetem 40% te popullsise ne moshe pune me arsim te mesem te perfunduar. "Shqiperia qendron 3 here larg vendeve te zhvilluara te BE dhe 2 here me larg vendeve te anetaresuara rishtas ne te", replikoi Beqja. Sipas tij, klima e biznesit nuk eshte permiresuar per sa kohe raportet e fundit konfirmojne se niveli i zbatimit te ligjeve dhe rendi publik jane dukshem nen nivelin e vendeve me te ardhura te uleta dhe as nuk mund te krahasohet me ate te vendeve me te ardhura te mesme dhe aq me pak me vendet e pranuara rishtas ne Bashkimin Evropian dhe se lirite e biznesit jane me te kufizuara se vendet me te ardhura te uleta. "Nuk mund te flasesh per konkurrence te ndershme aty ku shifrat e fundit te raportit te FMN-se konfirmojne, se korrupsioni eshte njolla me e zeze e kesaj qeverisjeje qe e ka perkeqesuar treguesin e korrupsionit tri here krahasuar me vendet e pranuara se fundmi ne BE, duke konfirmuar deshtimin e plote te qeverisjes dhe te kryeministrit, i cili luften per te reformuar dhe modernizuar shtetin e ka lidhur fort vetem ne numrin e tij te telefonit", theksoi Beqja. Se fundmi ai i kujtoi kreut te qeverise, qe catia ku shohin dhe duan te prekin shqiptaret nuk eshte Azerbajxhani, Kirgiztani, Kolumbia apo Burkina Faso, por eshte Bashkimi Evropian. R.Rapushi