John Malkovich – krimineli i ndershëm

Sipas portalit ‘Hollywood Reporter’, veterani i filmit, John Malkovich, është zgjedhur të jetë aktori kryesor i filmit “Siberian Education” (Edukimi Siberian). Filmi, i cili bazohet në romanin e shkruar nga Nicolai Lilin, do ta drejtoj regjisori italian Gabriele Salvatores.

Aktori i famshëm do të luaj rolin e njërit prej ish-udhëheqësve të bandave kriminale siberiane, Kuzja, i cili nipit të tij, Koyma, i mban ligjërata për “kriminelëve të ndershëm”.

Ngjarja e filmit është vendosur në pjesën e ndarë të Moldavisë, në Pridnjestrovlje, dhe ajo zhvillohet gjatë periudhës mes viteve 1985 dhe 1995. Xhirimi i filmit do të filloj në fund të muajit gusht, fillimisht në Lituani dhe në Itali. Jozyrtarisht, mësohet se rolin e nipit në film do ta luaj aktori debutues nga Lituania, Arnas Fedaravicius.

Ndryshe, Malkovich ka qenë i nominuar për Oscar për rolet e tij në filmat “Places in the Heart” dhe “In the Line of Fire”. Ai ka qenë edhe pjesë e filmave të shumëlavdëruar nga kritika, si “Empire of the Sun”, “The Killing Fields”, “Dangerous Liaisons”, “Con Air”, “Of Mice and Men”, “Being John Malkovich”, dhe “Red”.