Jones: SHBA, mbështet integrimin territorial të Kosovës

Shtetet e Bashkuara mbështesin integritetin territorial të Kosovës dhe kundërshtojnë çdo opsion për ndarjen e saj.
Ka qenë kjo garancia që zyrtari i Departamentit amerikan të Shtetit, Stuart Jones i ka dhënë presidentit kosovar Fatmir Sejdiu, gjatë një vizite në Prishtinë.
"SHBA mbështesin hapur integritetin territorial të Kosovës dhe do të vazhdojnë të mbeshtesin fuqishëm edhe procesin e njohjeve të reja", ka deklaruar Jones.
Ai ka shtuar më tej se Uashingtoni do të ofrojë ndihmën e tij edhe përsa i përket procesit të integrimit, zhvillimit ekonomik dhe çështjeve të tjera.