Jozefina Topalli, personazhi i javes
Kryeparlamentarja votohet per lobingun per anetaresimin ne NATO. I dyti, kryebashkiaku i Elbasanit, ndersa Adrian Hila fiton garen mes vlonjateve ndaj Albert Minges
Jozefina Topalli, pas nje marredhenie jo shume te ngrohte me opoziten ne Parlament, ne sondazhin e gazetes “Koha Jone” ka siguruar vendin e pare si personazh i javes se shkuar. E angazhuar ne nje aktivitet te dendur diplomatik, politikania 44-vjecare ka triumfuar me 62% te votave ndaj rivaleve te saj. Nenkryetare e Partise Demokratike dhe prej shtatorit 2005 kryetare e Kuvendit, Jozefina Topalli ka zhvilluar nje tur intensiv vizitash ne shtete te ndryshme, duke kerkuar ratifikimin e Marreveshjes se Stabilizim-Asociimit Shqiperi-BE dhe anetaresimin ne NATO. Pikerisht per anetaresimin ne Aleancen e Atlantikut te Veriut, Topalli mori mbeshtetjen e Ankarase gjate vizites se zhvilluar pak dite me pare ne Turqi.
Nder rreth 1700 votues ne www.kohajone.com, mbi 18% te votave ka siguruar edhe kryetari i Bashkise se Elbasanit, Qazim Sejdini. Fillimisht ne nje takim me Kryeministrin Berisha dhe me pas ne nje deklarim ekskluziv per “Koha Jone”, kryebashkiaku socialist ngriti alarmin e ndotjes se larte ne qytetin qe drejton prej disa muajsh. Sejdini kerkoi nderhyrjen e qeverise dhe angazhimin e eksperteve te huaj per te konstatuar me saktesi shkaqet e disa vdekjeve ne Elbasan, qe besohet se vijne nga ndotja tej normave te lejuara. Edhe ne vleresimet e Ministrise se Mjedisit, Elbasani eshte renditur si nje nga zonat me nivelin me te larte te ndotjes, kryesisht per shkak te aktiviteteve te disa uzinave e fabrikave. Lavdia e Metalurgjikut te dikurshem tashme duket se i ka lene rradhen problemeve shendetesore per banoret e qytetit.
Adrian Hila, me 9,9% te votave, eshte renditur i treti ne sondazhin e www.kohajone.com. Nje nga ideatoret dhe organizatoret e spektaklit “Kenget e Shekullit” ne Tv “Klan”, Hila ka fituar nje beteje te veshtire me nje tjeter vlonjat, regjisorin e mirenjohur, Albert Minga. Nje diference e paket votash i ka dhene vendin e trete Hiles per spektaklin, qe perfundoi pak dite me pare, pasi risolli ne skene disa nga kengetaret me te njohur ne vite. Nderkohe, Albert Minga vijon te shijoje nje tjeter sukses, pas shfaqjes se drames “Pamje nga ura” ne Teatrin Kombetar. Nje pune teper e gjate per regjisorin Minga, qe u kurorezua me vemendjen dhe duartrokitjet e spektatorit.
Ne kete menyre gara per personazhin e javes ne sondazhin e www.kohajone.com eshte mbyllur me fitoren e Jozefina Topallit, politikane, e cila ka siguruar me teper vota se kryebashkiaku Qazim Sejdini dhe dy njerezit e artit, Adrian Hila dhe Albert Minga.