Juve-Milan, “derbi” për Nanin

Lajmi bëhet i ditur nga e përditshmja britanike “Sun”. Bardhezinjtë janë të gatshëm ta “rrëmbejnë” portugezin që në merkaton e janarit dhe do të përpiqen të arrijnë një marrëveshje huazimi, me mundësi për ta blerë përfundimisht mesfushorin në qershor për 15 milion euro.

Nga ana tjetër, Milani është duke menduar të bëjë një ofertë për “Djajtë e Kuq”, në mënyrë që të sigurojnë shërbimet e Nanit në qershor, për të zëvendësuar Dejvid Bekam, pas përfundimit të huazimit të tij nga LA Galaksi.