KFOR-i dhe EULEX-i bashkërisht në ushtrime

Prishtinë, 19 gusht – Përfaqësues të KFOR-it dhe të EULEX-it, nesër do të bëjnë një ushtrim të përbashkët me emrin “Gjeraqina ballkanike 3 – 2010”, në kampin në Vrellë, me qëllim që të forcojnë bashkëpunimin e ndërsjellë, ka komunikuar KFOR-i, raporton FoNet.

Ushtrimi është, siç thuhet në komunikatë, pjesë e një ciklusi më të gjatë të planifikuar të stërvitjeve, të cilat kanë për qëllim të përmirësojnë aftësinë e forcave të sigurisë dhe të forcojnë bashkëpunimin EULEX – KFOR.