KFOR-i fillon aksionin per zhbllokimin e rrugeve ne veriun e Kosoves
Trupat paqeruajtese te NATO-s filluan sot ne oret e para te mengjesit nje aksion per zhbllokimin e rrugeve qe cojne drejt vendkalimit kufitar ne Bernjak ne veriun e Kosoves me qellim te vendosjes se levizjes se lire.
KFOR-i ka bere te ditur se gjate aksionit jane lenduar lehte tete ushtare te saj. Nderkaq burimet lokale serbe te informimit flasin per 22 serbe te plagosur gjate aksionit te sotem.
Zyrtare te KFOR-it thane se kane perdorur gazin lotsjelles per te shperndare serbet lokal qe po i pengonin ata ne largimin e barrikadave.
Nderkaq Misioni i Bashkimit Evropian per policine e drejtesine nepermjet nje komunikate per opinion ka bere te ditur se trupat e saj dhe KFOR-i kane filluar nje operacion te perbashket per rivendosjen e lirise se levizjes ne veri te Kosoves.
Ne komunikate thuhet se barrikadat u larguan dhe u vendosen pika te kontrollit per automjete dhe postblloqe dhe keto veprime jane ndermarre afer pikekalimit 31 si dhe ne zonen e Zubin Potokut. Qellimi i pergjithshem eshte qe te permiresohet gjendja e sundimit te ligjit ne kete pjese te Kosoves.
Jane shenuar disa incidente te vogla dhe EULEX-i kerkon nga qytetaret ta ruajne qetesine dhe ta respektojne sundimin e ligjit. Kete e presin te gjitha shtetet anetare te Bashkimit Evropian thuhet ne komunikaten e EULEX-it.
Presidenti i Serbise Boris Tadiq permes nje komunikate per opinion u ka bere thirrje serbeve lokal te mbesin te qete ndersa trupave paqeruajtese te NATO-s ti shmanget perdorimit te dhunes.
Udheheqesit e serbeve lokale do te duhej te punonin vetem ne interesin e njerezve dhe jo nen ndikimin e disa partive politike serbe thuhet ne komunikaten e presidentin serb Boris Tadiq.
Trupat e NATO-s kishin caktuar diten e djeshme si afat per zhbllokimin e rrugeve por serbet ne veriun e Kosoves refuzuan thirrjet e KFOR-it per te hequr barrikadat e ngritura ne rruget kryesore ne ate zone ne shenje kundershtimi ndaj vendosjes se policise dhe doganiereve te Kosoves ne vendkalimet kufitare me Serbine.