Presidenca mbështetje aksionit të KFOR e EULEX
PRISHTINË- Zyra e shtypit te Presidentes së Republikës së Kosovës në një deklaratë të bërë sot mbështet aksionin e misioneve ndërkombëtare në Kosovë, të KFOR-it dhe EULEX-it, për zhbllokimin e rrugëve, për heqjen e barrikadave dhe për krijimin e mundësive për qarkullim dhe lëvizje të lirë të njerëzve dhe të mallërave në gjithë territorin e vendit.
Presidenca thekson se veprimet e strukturave ekstremiste për bllokimin e rrugëve janë në kundërshtim me Kushtetutën dhe me ligjet e vendit dhe me standardet ndërkombëtare për lirinë e lëvizjes, të qarkullimit dhe komunikimit të lirshëm ndërmjet njerëzve.
Aksionet e KFOR-it dhe EULEX-it janë në kuadër të mandatit të tyre për të siguruar paqe dhe stabilitet dhe për të aplikuar sundimin e ligjit në gjithë territorin e Republikës së Kosovës, si veprim konkret për të mos lejuar anarkinë në tri komunat në veri të territorit të Kosovës dhe për të mos lejuar që strukturat ilegale të mbështetura nga grupet kriminale ta bëjnë ligjin në këto komuna.
Presidenca e Republikës së Kosovës më tej thekson se kthimi në gjendjen normale në komunat e Leposaviqit, Zubin Potokut dhe Zveçanit, mundëson që njerëzit lirshëm dhe me mbështetjen e institucioneve t'i kryejnë të gjitha punët dhe aktivitetet e veta, që është në interesin e vet qytetarëve dhe që i heq ata nga të mbajturit peng prej strukturave ilegale, që mundohen t'i shfrytëzojnë problemet reale të qytetarëve për qëllime të veta.
Veprimi institucional, legal dhe legjitim është e vetmja zgjidhje që realizon interesat e të gjithë qytetarëve pa dallim dhe me këtë pamundësohen dhe parandalohen grupet ekstremiste që dëshirojnë ta tensionojnë gjendjen, përfundohet në deklaratë.
(d.b/BalkanWeb)
Presidenca thekson se veprimet e strukturave ekstremiste për bllokimin e rrugëve janë në kundërshtim me Kushtetutën dhe me ligjet e vendit dhe me standardet ndërkombëtare për lirinë e lëvizjes, të qarkullimit dhe komunikimit të lirshëm ndërmjet njerëzve.
Aksionet e KFOR-it dhe EULEX-it janë në kuadër të mandatit të tyre për të siguruar paqe dhe stabilitet dhe për të aplikuar sundimin e ligjit në gjithë territorin e Republikës së Kosovës, si veprim konkret për të mos lejuar anarkinë në tri komunat në veri të territorit të Kosovës dhe për të mos lejuar që strukturat ilegale të mbështetura nga grupet kriminale ta bëjnë ligjin në këto komuna.
Presidenca e Republikës së Kosovës më tej thekson se kthimi në gjendjen normale në komunat e Leposaviqit, Zubin Potokut dhe Zveçanit, mundëson që njerëzit lirshëm dhe me mbështetjen e institucioneve t'i kryejnë të gjitha punët dhe aktivitetet e veta, që është në interesin e vet qytetarëve dhe që i heq ata nga të mbajturit peng prej strukturave ilegale, që mundohen t'i shfrytëzojnë problemet reale të qytetarëve për qëllime të veta.
Veprimi institucional, legal dhe legjitim është e vetmja zgjidhje që realizon interesat e të gjithë qytetarëve pa dallim dhe me këtë pamundësohen dhe parandalohen grupet ekstremiste që dëshirojnë ta tensionojnë gjendjen, përfundohet në deklaratë.
(d.b/BalkanWeb)