KFOR-i kerkon zhbllokimin e rrugeve ne veriun e Kosoves
Ne Kosove Komandanti i forcave paqeruajtese te NATO-s ne Kosove gjenerali gjerman Erhard Drews takoi sot udheheqesit lokal te serbeve ne veri me perpjekje per te siguruar zhbllokimin e rrugeve te zones. Banoret serbe ne veriun e Kosoves po mbajne te bllokuara te gjitha rruget e zones ne shenje kundershtimi ndaj vendosjes se policise kufitare dhe doganiereve te Kosoves ne vendkalimet kufitare me Serbine.
Te pakten 11 veta u plagosen ne fund te shtatorit gjate nje perleshjeje ndermjet forcave te NATO-s dhe protestuesve serbe ndersa ne korrik nje pjesetare i policise se Kosoves u vra ne nje prite ne veriun e banuar me shumice serbe.
Forcat paqeruajtese ne Kosove thane se protestuesve serb u eshte dhene mundesia qe gjate fundjaves te zhbllokojne rruget ne ate zone me qellim te vendosjes se levizjes se lire. KFOR-i ka terhequr verejtjen se nuk do te lejoje bllokimin e rrugeve per nje kohe te gjate ndersa i ka cilesuar te paligjshme. Zyrtare te KFOR-it nuk dhane hollesi te diskutimeve me perfaqesuesit e serbeve ndersa keta te fundit thane se eshte kerkuar qe deri te henen te zhbllokohen rruget dhe te mundesohet levizja e lire. Ata thane se per kete do te zhvillohen keshillime te metejshme me strukturat politike ne veri.
Beogradi i cili kundershton pavaresine e Kosoves kerkon qe ne bisedimet e ndermjetesuara nga Bashkimi Evropian te perfshihet statusi i vendkalimeve kufitare me Serbine ndersa Prishtina refuzon nje gje te tille.
Bisedimet jane nderprere per shkak te nje qendrimi te tille te Beogradit i cili perballet me kushtin e vendosur nga Komisioni Evropian per fillimin e bisedimeve per anetaresimin e saj ne Bashkimin Evropian. Komisionari per zgjerim i Bashkimit Evropian Stefan Fule tha dje ne Beograd se Komisioni Evropian do te rekomandoje daten per fillim e negociatave me Serbine per anetaresim pasi te jete shenuar perparim ne vazhdimin e bisedimeve me Kosoven. Komisioni Evropian te enjten hodhi propozimin qe Serbise ti jepet statusi i vendit kandidat por me kusht themelor permiresimin e marredhenieve me Kosoven.
Ende nuk eshte e qarte por muaji i ardhshem permendet si periudhe e mundshme e vazhdimit te bisedimeve mbi ceshtjet praktike te interesit te perbashket te te dyja paleve.