KLD pranon propozimin e Alibeaj për plotësimin e 10 vendeve vakantë të magjistratëve

Këshilli i Lartë i Drejtësisë (KLD), gjatë mbledhjes të sotme, ka pranuar propozimin e ministrit të Drejtësisë, Enkelejd Alibeaj, për plotësimin e vendeve vakante në Gjykata me 10 magjistratë; bëri të ditur zyra e shtypit pranë Ministrisë së Drejtësisë.   Gjatë mbledhjes së KLD-së, qu u zhvillua me dyer të mbyllura, është votuar në unanimitet  propozimi i ministrit të Drejtësisë për plotësimin e vendeve vakante në Gjykata me magjistratë të rinj. Ky grup magjistratësh, të cilët ishin në pritje të emërimit nga shtatori i vitit të kaluar, janë caktuar  në Gjykatat e rretheve Gjyqësore Tiranë, Kavajë dhe Lezhë.