KLSH-ja çon në Prokurori 6 milionë lekë evazion në rrugën “Rrëshen-Kalimash”
Në raport Kontrolli i Lartë i Shtetit konstaton gjithsej 6 miliardë lekë dëm në administratën qendrore
Tiranë – KLSH-ja çon në Prokurori evazionin fiskal të firmës që kryen punimet në rrugën “Rrëshen – Kalimash”. Sipas burimeve, Kontrolli i Lartë i Shtetit ia ka rehatuar konstatimet organit të Akuzës, duke vërtetuar shkeljen e ligjit nga firma.
Përveç kësaj, kryetari i Kontrollit të Lartë të Shtetit, Robert Çeku, raportoi dje në Komisionin Parlamentar të Ekonomisë dhe Financave mbi kontrollet e ushtruara gjatë vitit 2007 në institucionet shtetërore. Kreu i KLSH-së, Çeku, ka vënë theksin mbi dëmet dhe shkeljet nga institucionet shtetërore si dhe sugjerimet që vijnë nga KLSH-ja pas këtyre evidentimeve. Sipas Çekut, për vitin 2007 KLSH-ja ka ushtruar rreth 198 kontrolle në institucionet e qeverisjes qendrore, administratës vendore, njësitë dhe projektet me financime të huaja, drejtoritë dhe degët e tatim-taksave e të doganave, si dhe institucionet në shërbim të reformave ekonomike. Dëmi në total, sipas Çekut, është 6 miliardë lekë dhe shkeljet janë bërë kryesisht nga doganat, tatimet dhe në shitjet e pasurive. Për këtë Çeku sugjeroi mosndryshim të shpeshtë të legjislacionit. “Ndryshimet e shpeshta në legjislacion pengojnë biznesin dhe administratën”, - tha Çeku gjatë raportimit, duke sugjeruar të rishikohet ligji për TVSH-në, pasi janë hasur probleme në rimbursimin e kësaj takse. “Nga kontrollet e ushtruara janë zbuluar shkelje e parregullsi financiare për të ardhurat në buxhetin e shtetit dhe për shpenzimet me fondet buxhetore, me dëm efektiv të përgjithshëm në shumën totale prej 6.059.325.000 lekësh", - deklaroi kreu i KLSH-së, Çeku. Ai u shpreh më tej se ky dëm efektiv i përket veprimtarisë ekonomiko-financiare të ushtruar në periudhën 2004-2006 dhe gjatë 9-mujorit të vitit 2007. KLSH-ja harton çdo vit raport mbi punën e institucioneve shtetërore. Mbi bazën e të dhënave shumë shkelje janë raportuar në prokurori dhe shumë prej punonjësve janë ndjekur penalisht për abuzimet me detyrën në bazë të raporteve.
10 Prill 2008
Tiranë – KLSH-ja çon në Prokurori evazionin fiskal të firmës që kryen punimet në rrugën “Rrëshen – Kalimash”. Sipas burimeve, Kontrolli i Lartë i Shtetit ia ka rehatuar konstatimet organit të Akuzës, duke vërtetuar shkeljen e ligjit nga firma.
Përveç kësaj, kryetari i Kontrollit të Lartë të Shtetit, Robert Çeku, raportoi dje në Komisionin Parlamentar të Ekonomisë dhe Financave mbi kontrollet e ushtruara gjatë vitit 2007 në institucionet shtetërore. Kreu i KLSH-së, Çeku, ka vënë theksin mbi dëmet dhe shkeljet nga institucionet shtetërore si dhe sugjerimet që vijnë nga KLSH-ja pas këtyre evidentimeve. Sipas Çekut, për vitin 2007 KLSH-ja ka ushtruar rreth 198 kontrolle në institucionet e qeverisjes qendrore, administratës vendore, njësitë dhe projektet me financime të huaja, drejtoritë dhe degët e tatim-taksave e të doganave, si dhe institucionet në shërbim të reformave ekonomike. Dëmi në total, sipas Çekut, është 6 miliardë lekë dhe shkeljet janë bërë kryesisht nga doganat, tatimet dhe në shitjet e pasurive. Për këtë Çeku sugjeroi mosndryshim të shpeshtë të legjislacionit. “Ndryshimet e shpeshta në legjislacion pengojnë biznesin dhe administratën”, - tha Çeku gjatë raportimit, duke sugjeruar të rishikohet ligji për TVSH-në, pasi janë hasur probleme në rimbursimin e kësaj takse. “Nga kontrollet e ushtruara janë zbuluar shkelje e parregullsi financiare për të ardhurat në buxhetin e shtetit dhe për shpenzimet me fondet buxhetore, me dëm efektiv të përgjithshëm në shumën totale prej 6.059.325.000 lekësh", - deklaroi kreu i KLSH-së, Çeku. Ai u shpreh më tej se ky dëm efektiv i përket veprimtarisë ekonomiko-financiare të ushtruar në periudhën 2004-2006 dhe gjatë 9-mujorit të vitit 2007. KLSH-ja harton çdo vit raport mbi punën e institucioneve shtetërore. Mbi bazën e të dhënave shumë shkelje janë raportuar në prokurori dhe shumë prej punonjësve janë ndjekur penalisht për abuzimet me detyrën në bazë të raporteve.
10 Prill 2008