KQZ: Do të numërohen votat e kontestuara
Ndërkohë që jashtë ambienteve situata është shume e tensionuar, Komisioni Qendror i Zgjedhjeve ka miratuar ne parim projekt aktin per vleresimin e fleteve te votimit te hedhura ne kutite e gabuara.
Kreu i KQZ ka kerkuar te sillen ne salle kutite e votimit per keshillat, ku jane gjetur fletet e votimit per kryetar.
Ne salle kane mberritur kutite e para per te cilat jane konstatuar flete te kontestuara, te cilat sipas Ristanit do te kqyren ne salle.
Me vendim, eshte miratuar pas propozimit te Ristanit nje grup numerimi qe do te merret me kete procedure.
Perfaqesuesit e PS-se, kane kundershtuar ashper vendimin e marre, nderkohe qe Gjoncja ka deklaruar prere: Nuk ka me sistem zgjedhor ne Shqiperi, nuk ka me zgjedhje te lira.
Me tensione nis mbledhja e KQZ-së
Komisioni Qendror i Zgjedhjeve (KQZ) në Tiranë ka nisur sot mbledhjen, megjithë tensionet që janë shkaktuar jashtë sallë. Deputetët socialistë janë përpjekur të hyjnë me forcë brenda KQZ-së, por janë penguar nga forcat e policisë, të cilat janë përforcuar edhe nga trupa speciale të RENEA-s, raporton TCH.
Ndërkohe ka nisur mbledhja e KQZ-se qe është tepër e rëndësishme, pasi mund te shpallet rezultati i zgjedhjeve për kreun e Bashkisë se Tiranës.
Përfaqësuesi i PD-së në KQZ-, Njazi Kosovrasti, deklaroi se çdo vote do te numërohet dhe vullneti i qytetareve do te lexohet: "Fleta e votimit nuk është e pavlefshme, kur është hedhur ne kutinë e gabuar".
Kurse përfaqësuesi i PS-se ne KQZ, Genc Gjoncaj, kërkoi praninë e deputetëve socialistë në mbledhje.
Kreu i KQZ-së, Ristani, u shpreh se mbledhja është publike, pasi mbahet në prani të kamerave. Por ai theksoi se deputetët nuk mund të lejohen në sallë.
Sipas TCH, nënkryetarja Dëshira Subashi, kërkoi "mbrojtjen e shtetit", pasi u shpreh se ndihen të kërcënuar.