KQZ: I pakuptimtë rezultati paraprak i shpallur
15/05/2011 Rezultati zyrtar do publikohet pas shqyrtimit të të dhënave të KQV-ve
“Mund të ketë gabime njerëzore gjatë hedhjes së të dhënave paraprake”
Rezultati paraprak i shpallur nga mediat në përfundim të numërimit të votave në njësinë 5, në Tiranë, konsiderohet nga Komisioni Qendror i Zgjedhjeve i pakuptimtë. Dhe kjo, sipas zëdhënësit të KQZ-së, Arti Lushi, sepse kandidatët garues në garën e kryeqytetit u ndanë me një diferencë shumë të vogël votash midis tyre. Ky ishte reagimi i mbrëmjes së djeshme nga institucioni më i lartë zgjedhor në vend. Në deklaratën e saj, KQZ-ja hedh dritë dhe në mosfunksionimin e sektorit të IT-së në publikimin në kohë reale të të dhënave dhe shifrave. “Është e kuptueshme që mund të ketë gabime njerëzore gjatë hedhjes së të dhënave paraprake, sepse edhe praktika e tregoi këtë, ndonëse në shumë pak raste.” Komisioni Qendror i Zgjedhjeve ka detyrimin mbi bazën e Kodit Zgjedhor që të shpallë rezultatin e zgjedhjeve, duke certifikuar dhe shpallur rezultatin për secilin kandidat për kryetar bashkie të Tiranës.
Pas publikimit të rezultatit paraprak nga mediat e shumta të vendit, të cilat krijuan dhe një kaos informativ, KQZ-ja, me anë të zëdhënësit të tij për mediat, Arti Lushi, reagoi dje në lidhje me mospublikimin e rezultatit final në tabelën e saj elektronike. “Në bazë të nenit 123 të Kodit Zgjedhor, KQZ-ja e shpall rezultatin vetëm pasi të ketë verifikuar tabelën e secilës KZAZ me tabelën e rezultatit të çdo KQV-je, dhe në rast se ka mosrakordime, KQZ-ja shpall rezultatin bazuar vetëm në rezultatin e tabelave të qendrave të votimit”, u shpreh dje Arti Lushi. Më tej, në deklaratën e tij, zëdhënësi i KQZ-së një rëndësi të veçantë i kushtoi garantimit të transparencës nga ana e KQZ në numërimin e çdo vote, ku secila ishte lehtësisht e monitorueshme nga të gjithë. “Me qëllim garantimin e një transparence maksimale dhe informimin e publikut hap pas hapi, KQZ-ja ngriti një sistem për raportimin e të dhënave në kohë reale nga çdo qendër votimi. Dhe kushdo arriti të përjetojë garën elektorale me të gjithë emocionin e saj në numërimin e çdo kutie votimi, gjatë transmetimit të rezultateve paraprake”, nënvizoi Lushi. Dhe për këtë arsye, vijoi më pas Lushi, Komisioni Qendror i Zgjedhjeve, duke marrë në konsideratë interesin e madh të zgjedhësve dhe subjekteve zgjedhore, “do fillojë menjëherë verifikimin e tabelave të rezultateve të secilës qendër votimi, dhe do të shpallë menjëherë rezultatin zyrtar në bazë të Kodit Zgjedhor”.
“Mund të ketë gabime njerëzore gjatë hedhjes së të dhënave paraprake”
Rezultati paraprak i shpallur nga mediat në përfundim të numërimit të votave në njësinë 5, në Tiranë, konsiderohet nga Komisioni Qendror i Zgjedhjeve i pakuptimtë. Dhe kjo, sipas zëdhënësit të KQZ-së, Arti Lushi, sepse kandidatët garues në garën e kryeqytetit u ndanë me një diferencë shumë të vogël votash midis tyre. Ky ishte reagimi i mbrëmjes së djeshme nga institucioni më i lartë zgjedhor në vend. Në deklaratën e saj, KQZ-ja hedh dritë dhe në mosfunksionimin e sektorit të IT-së në publikimin në kohë reale të të dhënave dhe shifrave. “Është e kuptueshme që mund të ketë gabime njerëzore gjatë hedhjes së të dhënave paraprake, sepse edhe praktika e tregoi këtë, ndonëse në shumë pak raste.” Komisioni Qendror i Zgjedhjeve ka detyrimin mbi bazën e Kodit Zgjedhor që të shpallë rezultatin e zgjedhjeve, duke certifikuar dhe shpallur rezultatin për secilin kandidat për kryetar bashkie të Tiranës.
Pas publikimit të rezultatit paraprak nga mediat e shumta të vendit, të cilat krijuan dhe një kaos informativ, KQZ-ja, me anë të zëdhënësit të tij për mediat, Arti Lushi, reagoi dje në lidhje me mospublikimin e rezultatit final në tabelën e saj elektronike. “Në bazë të nenit 123 të Kodit Zgjedhor, KQZ-ja e shpall rezultatin vetëm pasi të ketë verifikuar tabelën e secilës KZAZ me tabelën e rezultatit të çdo KQV-je, dhe në rast se ka mosrakordime, KQZ-ja shpall rezultatin bazuar vetëm në rezultatin e tabelave të qendrave të votimit”, u shpreh dje Arti Lushi. Më tej, në deklaratën e tij, zëdhënësi i KQZ-së një rëndësi të veçantë i kushtoi garantimit të transparencës nga ana e KQZ në numërimin e çdo vote, ku secila ishte lehtësisht e monitorueshme nga të gjithë. “Me qëllim garantimin e një transparence maksimale dhe informimin e publikut hap pas hapi, KQZ-ja ngriti një sistem për raportimin e të dhënave në kohë reale nga çdo qendër votimi. Dhe kushdo arriti të përjetojë garën elektorale me të gjithë emocionin e saj në numërimin e çdo kutie votimi, gjatë transmetimit të rezultateve paraprake”, nënvizoi Lushi. Dhe për këtë arsye, vijoi më pas Lushi, Komisioni Qendror i Zgjedhjeve, duke marrë në konsideratë interesin e madh të zgjedhësve dhe subjekteve zgjedhore, “do fillojë menjëherë verifikimin e tabelave të rezultateve të secilës qendër votimi, dhe do të shpallë menjëherë rezultatin zyrtar në bazë të Kodit Zgjedhor”.