KQZ akrediton misionin e ODIHR-it
Komisioni Qendror i Zgjedhjeve miratoi dje akreditimin e 39 vëzhguesve afatgjatë të OSBE-ODIHR, në krye të të cilëve qëndron Audrey Glover. Sakaq, Presidenti i Asamblesë Parlamentare të OSBE-së, Zhoao Soares, do të zhvillojë sot në Tiranë takime me krerët e shtetit dhe të opozitës. Në këtë formë është gjetur një zgjidhje e mesme ndërmjet qeverisë dhe kreut të misionit vëzhgues, e kontestuar nga ekzekutivi. Tri ditë më parë, kreu i KQZ-së, Arben Ristani, anuloi takimin e parashikuar me shefen e këtij misioni, pa dhënë asnjë shpjegim. Pavarësisht kontestimeve, KQZ është detyruar të pranojë akreditimin e zonjës Glover dhe 38 vëzhguesve, pjesë e misionit të OSBE/ODIHR-it, që do të monitorojë zgjedhjet e përgjithshme të 28 qershorit në Shqipëri. Misioni i Vëzhgimit të Zgjedhjeve i ka paraqitur një kërkesë zyrtare Komisionit Qendror të Zgjedhjeve për miratimin e vëzhguesve afatgjatë për monitorimin e procesit zgjedhor për zgjedhjet e qershorit. Pas konsultimit të bërë mes anëtarëve të këtij komisioni, KQZ vërejti se dokumentacioni i paraqitur ishte brenda kushteve dhe kërkesave të parashikuara nga Kodi Zgjedhor.
"Për këto arsye, Komisioni Qendror i Zgjedhjeve, bazuar në nenin 21, pika 1 dhe neni 6, të Kodit Zgjedhor të Republikës së Shqipërisë; vendosi të miratojë 39 vëzhgues afatgjatë të Misionit të Vëzhgimit të Zgjedhjeve të OSBE/ODIHR, sipas listës të përcaktuar. Ky vendim hyn në fuqi menjëherë", thuhet në njoftimin e KQZ-së. Ndër 39 vëzhgues afatgjatë, pesë prej tyre vijnë nga Anglia, mes tyre edhe Glover, të ndjekur prej përfaqësuesve nga Gjermania, SHBA-ja e Zvicra. Misioni vëzhgues i OSBE/ODIHR, që kryesohet nga ambasadorja britanike, Audrey Glover, mbërriti në Tiranë në fillim të javës së kaluar dhe menjëherë nisën kontaktet me qeverinë dhe forcat politike shqiptare. Misioni u ftua nga Ministria e Jashtme dhe emri i përzgjedhur nga strukturat drejtuese të ODIHR-it në Varshavë ka hasur në kontestimet e hapura të qeverisë shqiptare. Glover nuk u prit në takim nga ana e Kryeministrit Sali Berisha. Kreu i qeverisë i nisi një letër OSBE-ODIHR-it ku shprehej pakënaqësia për zonjën Glover për shkak të prezencës së saj në Shqipëri në zgjedhjet e kontestuara të vitit 1996. Raporti i firmosur nga Glover në atë kohë nuk është pranuar nga Sali Berisha që mbante detyrën e Presidentit. Mes gjithë këtij ngërçi hyri edhe Komisioni Qendror i Zgjedhjeve. Arben Ristani mori rolin e negociatorit dhe po atë ditë anuloi takimin me misionin e ODIHR-it, që kryesohej nga Glover pa dhënë asnjë shpjegim. I menjëhershëm ishte edhe reagimi i Komisionit Evropian që deklaroi se "nuk është e drejta e qeverisë shqiptare që të zgjedhë emrin e kryesuesit të misionit". Takimi mes shefes së misionit të ODIHR-it për zgjedhjet e 28 qershorit dhe Kryeministrit Sali Berisha nuk është kryer ende, edhe pse ka pasur një takim të kreut të qeverisë dhe trojkës evropiane. Glover ka zhvilluar deri më tani takime me kreun e opozitës, Edi Rama, i cili ka shprehur mbështetjen e partisë që ai drejton për misionin e vëzhguesve, me kreun e G99-ës, Erjon Veliaj. Si dhe me kreun e PR-së, Fatmir Mediu, me kreun e LSI-së, Ilir Meta etj. KQZ shtyu për sot miratimin e 24 vëzhguesve të Komitetit Shqiptar të Helsinkit.
Vëzhguesit e ODIHR-it
Audrey Glover Mbretëria e Bashkuar
Stefan Krause Gjermani
Ovidiu Craiu Rumani
Dimitar Dimitrov Bullgari
Peter Palmae Mbretëria e Bashkuar
Elma Sehalic Gjermani
Igor Bulic Kroaci
Skopa Mariana Greqi
Trevor Harvey Mbretëria e Bashkuar
Tomasz Janczy Poloni
Polyna Lemos Greqi
Nicola Schmidt Gjermani
Pawel Jurczak Poloni
Tina Gewis Austri
Nielsen Hiels Henrik Danimarkë
Fredrik Sioberg Finlandë
Romuald Pichard Francë
Gernot Eberle Austri
Hala Kallas Francë
Rene Schulfoff Gjermani
Friedrich Fensch Gjermani
Hannelore Valier Gjermani
Frank Scott Irlandë
Annie-lise Miatvedt Norvegji
Anica-Cristina Mesdrea Rumani
Aida Gulien Spanjë
Torgny Hinnemo Suedi
Eva Rimsten Suedi
Thomas Holzer Zvicër
Diana Franca Ferrari Zvicër
Nicolas Alexander USA
Leslie Hough USA
Amy Naccarato USA
Sofia Botzios Greqi
Fiona Caldwell Mbretëria e Bashkuar
Peter Davis Mbretëria e Bashkuar
Daniela Malijanska FYRoMaqedoni
Ivan Tsikota Bjellorusi
Mihail Sircheli Moldavi
"Për këto arsye, Komisioni Qendror i Zgjedhjeve, bazuar në nenin 21, pika 1 dhe neni 6, të Kodit Zgjedhor të Republikës së Shqipërisë; vendosi të miratojë 39 vëzhgues afatgjatë të Misionit të Vëzhgimit të Zgjedhjeve të OSBE/ODIHR, sipas listës të përcaktuar. Ky vendim hyn në fuqi menjëherë", thuhet në njoftimin e KQZ-së. Ndër 39 vëzhgues afatgjatë, pesë prej tyre vijnë nga Anglia, mes tyre edhe Glover, të ndjekur prej përfaqësuesve nga Gjermania, SHBA-ja e Zvicra. Misioni vëzhgues i OSBE/ODIHR, që kryesohet nga ambasadorja britanike, Audrey Glover, mbërriti në Tiranë në fillim të javës së kaluar dhe menjëherë nisën kontaktet me qeverinë dhe forcat politike shqiptare. Misioni u ftua nga Ministria e Jashtme dhe emri i përzgjedhur nga strukturat drejtuese të ODIHR-it në Varshavë ka hasur në kontestimet e hapura të qeverisë shqiptare. Glover nuk u prit në takim nga ana e Kryeministrit Sali Berisha. Kreu i qeverisë i nisi një letër OSBE-ODIHR-it ku shprehej pakënaqësia për zonjën Glover për shkak të prezencës së saj në Shqipëri në zgjedhjet e kontestuara të vitit 1996. Raporti i firmosur nga Glover në atë kohë nuk është pranuar nga Sali Berisha që mbante detyrën e Presidentit. Mes gjithë këtij ngërçi hyri edhe Komisioni Qendror i Zgjedhjeve. Arben Ristani mori rolin e negociatorit dhe po atë ditë anuloi takimin me misionin e ODIHR-it, që kryesohej nga Glover pa dhënë asnjë shpjegim. I menjëhershëm ishte edhe reagimi i Komisionit Evropian që deklaroi se "nuk është e drejta e qeverisë shqiptare që të zgjedhë emrin e kryesuesit të misionit". Takimi mes shefes së misionit të ODIHR-it për zgjedhjet e 28 qershorit dhe Kryeministrit Sali Berisha nuk është kryer ende, edhe pse ka pasur një takim të kreut të qeverisë dhe trojkës evropiane. Glover ka zhvilluar deri më tani takime me kreun e opozitës, Edi Rama, i cili ka shprehur mbështetjen e partisë që ai drejton për misionin e vëzhguesve, me kreun e G99-ës, Erjon Veliaj. Si dhe me kreun e PR-së, Fatmir Mediu, me kreun e LSI-së, Ilir Meta etj. KQZ shtyu për sot miratimin e 24 vëzhguesve të Komitetit Shqiptar të Helsinkit.
Vëzhguesit e ODIHR-it
Audrey Glover Mbretëria e Bashkuar
Stefan Krause Gjermani
Ovidiu Craiu Rumani
Dimitar Dimitrov Bullgari
Peter Palmae Mbretëria e Bashkuar
Elma Sehalic Gjermani
Igor Bulic Kroaci
Skopa Mariana Greqi
Trevor Harvey Mbretëria e Bashkuar
Tomasz Janczy Poloni
Polyna Lemos Greqi
Nicola Schmidt Gjermani
Pawel Jurczak Poloni
Tina Gewis Austri
Nielsen Hiels Henrik Danimarkë
Fredrik Sioberg Finlandë
Romuald Pichard Francë
Gernot Eberle Austri
Hala Kallas Francë
Rene Schulfoff Gjermani
Friedrich Fensch Gjermani
Hannelore Valier Gjermani
Frank Scott Irlandë
Annie-lise Miatvedt Norvegji
Anica-Cristina Mesdrea Rumani
Aida Gulien Spanjë
Torgny Hinnemo Suedi
Eva Rimsten Suedi
Thomas Holzer Zvicër
Diana Franca Ferrari Zvicër
Nicolas Alexander USA
Leslie Hough USA
Amy Naccarato USA
Sofia Botzios Greqi
Fiona Caldwell Mbretëria e Bashkuar
Peter Davis Mbretëria e Bashkuar
Daniela Malijanska FYRoMaqedoni
Ivan Tsikota Bjellorusi
Mihail Sircheli Moldavi