KQZ shtyn për të premten miratimin e buxhetit

KQZ do të shpenzojë gjatë 2011-s për administratën dhe si investime 102 milionë lekë. Në mbledhjen e paradites, komisioni detajoi zërat për fondin që i ka akorduar qeveria për vitin elektoral, ndër to 3 milionë lekë do të shkojnë për rikonstruksionin e rrjetit elektrik dhe atij kompjuterik të KQZ-së. Por KQZ ende nuk ka detajuar faturën e zgjedhjeve lokale. Shifra zyrtare e kostos së zgjedhjeve të 8 majit është vendosur që të diskutohet dhe të bëhet publike të premten e kësaj jave.