Kaidanou, diplomatja amerikane për Euroazinë
Departamenti Amerikan i Shtetit pritet të njoftojë zyrtarisht emërimin e Tina Kaidanout si zëvendësndihmëse e sekretarit Amerikan të Shtetit për çështje të Europës dhe Euroazisë. Por, Metju Briza, që ka mbajtur këtë post që nga qershori i vitit 2005 dhe tani flitet se do të kalojë si ambasador amerikan në Azerbajxhan, ka përmendur publikisht atë si zëvendësim të tij, gjatë një konference për gazetarë në Tbilisi. Kaidanou, magjistre në shkencat politike në Universitetin Kolumbia të Nju Jorkut, është diplomate karriere. Posti më i lartë ishte ai i të dërguarës amerikane në Kosovë nga korriku i vitit 2006 deri në korrik të këtij viti, gjatë një tranzicioni historik nga provincë e shkëputur e Serbisë në vetëshpalljen si shtet i pavarur.
Arbana Vidishiqi, shefe e Byrosë së radios "Europa e Lirë" në Prishtinë, thotë se Kaidanou i ka impresionuar shumë në Kosovë, si një zyrtare e qetë, por efektive. "Kështu mbase do ta mbajë në mend secili ambasadoren Kaidanou: ajo është njeri i veprimit dhe ajo ka qenë në një periudhë kritike për Kosovën sa ishte këtu. Kishte ardhur para shpalljes së pavarësisë dhe ka qëndruar një vit e më shumë pas kësaj shpalljeje. Pra, punët këtu i ka çuar deri në fund, megjithëse ka preferuar që këto punë t‘i bëjë larg syrit publik", thotë Vidishiqi. Ajo shton se Kaidanou nuk i ka kufizuar funksionet diplomatike, ndërsa ishte në Prishtinë, por përdori ndikimin e saj për të ndihmuar çdokënd që ka mundur, përfshirë edhe serbët e Kosovës.
"Qytetarët e thjeshtë në Kosovë mbase do ta kujtojnë atë si një person që ka qëndruar afër lidershipit në një periudhë shumë kritike, e që ishte shpallja e pavarësisë. Ajo gjithashtu ka bërë shumë edhe për pakicën serbe. Ka mundësuar hapjen e institucioneve shëndetësore në lokalitetet e banuara me serbë, ka promovuar lirinë e medias. Në këtë kuadër, njerëzit me siguri do ta kujtojnë si një person që ka ndihmuar shumë", shprehet Vidishiqi.
Postin e parë të lartë në qeveri, Kaidanou e mori në kohën e Presidentit Bill Klinton, ku shërbeu si drejtoreshë për çështjet e Europës Juglindore në Këshillin e Sigurisë Kombëtare në Shtëpinë e Bardhë. Më pas, ajo ishte e ngarkuar me detyra edhe në Beograd dhe Sarajevë. Kaidanou shërbeu edhe si ndihmëse speciale e Kristofer Hillit, kur ai ishte ambasador në Maqedoni nga viti 1998 deri më 1999. Detyrat e saj atëbotë qenë fokusuar në krizën në Kosovë. Pas kësaj, ajo ishte ndihmëse speciale për çështje europiane e zëvendëssekretarit të shtetit, Riçard Armitejxh, gjatë presidencës së Xhorxh Bushit. Në korrik të vitit 2006, Kaidanou ishte shefe e misionit dhe e ngarkuar me punë në Zyrën Amerikane në Prishtinë, e cila u shndërrua më pas në ambasadë amerikane. Dy vjet më vonë, pas shpalljes së pavarësisë, ajo u bë ambasadorja e parë amerikane në Kosovë. Emërimi i Kaidanout në postin europian dhe euroaziatik mbase mund ta gjejë atë të fokusuar në çështjet e interesit amerikan në Kaukaz, Azinë Qendrore dhe Europën Juglindore. Çështjet energjetike dhe tensionet ruso-gjeorgjiane mund të pritet të dominojnë në punën e saj. Përgjegjësitë e Kaidanout mbase nuk do të zgjerohen edhe në kuadër të bashkëkryesimit të Grupit Minsk të OSBE-së, një trup trepalësh që ndihmoi negociatat në kontestin mes Armenisë dhe Azerbajxhanit mbi enklavën Nagorno-Karabak.
Arbana Vidishiqi, shefe e Byrosë së radios "Europa e Lirë" në Prishtinë, thotë se Kaidanou i ka impresionuar shumë në Kosovë, si një zyrtare e qetë, por efektive. "Kështu mbase do ta mbajë në mend secili ambasadoren Kaidanou: ajo është njeri i veprimit dhe ajo ka qenë në një periudhë kritike për Kosovën sa ishte këtu. Kishte ardhur para shpalljes së pavarësisë dhe ka qëndruar një vit e më shumë pas kësaj shpalljeje. Pra, punët këtu i ka çuar deri në fund, megjithëse ka preferuar që këto punë t‘i bëjë larg syrit publik", thotë Vidishiqi. Ajo shton se Kaidanou nuk i ka kufizuar funksionet diplomatike, ndërsa ishte në Prishtinë, por përdori ndikimin e saj për të ndihmuar çdokënd që ka mundur, përfshirë edhe serbët e Kosovës.
"Qytetarët e thjeshtë në Kosovë mbase do ta kujtojnë atë si një person që ka qëndruar afër lidershipit në një periudhë shumë kritike, e që ishte shpallja e pavarësisë. Ajo gjithashtu ka bërë shumë edhe për pakicën serbe. Ka mundësuar hapjen e institucioneve shëndetësore në lokalitetet e banuara me serbë, ka promovuar lirinë e medias. Në këtë kuadër, njerëzit me siguri do ta kujtojnë si një person që ka ndihmuar shumë", shprehet Vidishiqi.
Postin e parë të lartë në qeveri, Kaidanou e mori në kohën e Presidentit Bill Klinton, ku shërbeu si drejtoreshë për çështjet e Europës Juglindore në Këshillin e Sigurisë Kombëtare në Shtëpinë e Bardhë. Më pas, ajo ishte e ngarkuar me detyra edhe në Beograd dhe Sarajevë. Kaidanou shërbeu edhe si ndihmëse speciale e Kristofer Hillit, kur ai ishte ambasador në Maqedoni nga viti 1998 deri më 1999. Detyrat e saj atëbotë qenë fokusuar në krizën në Kosovë. Pas kësaj, ajo ishte ndihmëse speciale për çështje europiane e zëvendëssekretarit të shtetit, Riçard Armitejxh, gjatë presidencës së Xhorxh Bushit. Në korrik të vitit 2006, Kaidanou ishte shefe e misionit dhe e ngarkuar me punë në Zyrën Amerikane në Prishtinë, e cila u shndërrua më pas në ambasadë amerikane. Dy vjet më vonë, pas shpalljes së pavarësisë, ajo u bë ambasadorja e parë amerikane në Kosovë. Emërimi i Kaidanout në postin europian dhe euroaziatik mbase mund ta gjejë atë të fokusuar në çështjet e interesit amerikan në Kaukaz, Azinë Qendrore dhe Europën Juglindore. Çështjet energjetike dhe tensionet ruso-gjeorgjiane mund të pritet të dominojnë në punën e saj. Përgjegjësitë e Kaidanout mbase nuk do të zgjerohen edhe në kuadër të bashkëkryesimit të Grupit Minsk të OSBE-së, një trup trepalësh që ndihmoi negociatat në kontestin mes Armenisë dhe Azerbajxhanit mbi enklavën Nagorno-Karabak.