Kairo: Të blejmë kartonin e Xhemailit

Fitorja kundër Palermos i ka rikthyer buzëqeshjen presidentit të Torinos, Urbano Kairo, i cili është entuziazmuar nga loja e mesfushorit me origjinë shqiptare nga Maqedonia, Blerim Xhemaili.

“Loja e tij më ka kënaqur. Xhemaili më pëlqeu tej masë. Më bëhet shumë qejfi për të, sidomos pas atyre që ka kaluar, dëmtime, transferime e shumë si këto”, tha ai.

Kairo është shumë optimist që skuadra e Torinos do të jetë në gjendje që ta blejë plotësisht kartonin e futbollistit me pasaportë zvicerane, ta marrë në formë huazimi.

"Do ta blejmë patjetër kartonin e Xhemailit. Ai ka kualitete të shkëlqyera dhe shumë të rëndësishme, jo vetëm si lojtar, por edhe në kontaktet e përgjithshme. Përveç ideve të qarta në fushë dhe gjuajtjeve të forta, ai ka edhe personalitet. Më vjen shumë keq për dy shtyllat, ku nuk pati fat”, përfundoi presidenti Kairo.